އެންމެ އުސް ޢިމާރާތް ކުރުމުގެ ވާދަވެރިކަން.

.ދުނިޔޭގެ އެންމެ އުސް ޓަވަރު ހެދުމަށް ސައޫދީ ޢަރަބިއްޔާއިން މަސައްކަތްފަށައިފިއެވެ. ޕްރިންސް އަލްވަލީދު ބިން ޠަލާލް އިއްޔެ ފެށި މި މަޝްރޫޢުގެދަށުން 1000 މީޓަރަށްވުރެ އުސް ޓަވަރެއް ހެދުމަށް ރާވާފައިވެއެވެ. މި ޓަވަރުހެދުމަށް ރާވާފައިވަނީ ބުރުޖް ޚަލީފާ ޓަވަރަށްވުރެ 173 މީޓަރު އުސްކޮށެވެ.

ސައޫދީގެ ބިލިއަނަރު އަލްވަލީދު ބިން ޠަލާލް ހާމަކުރިގޮތުގައި މިހާރު ހުރި ދުނިޔޭގެ އެންމެ އުސް ޓަވަރުކަމަށްވާ ބުރުޖް ޚަލީފާގެ ރެކޯޑު މުގުރާލުމުގެ މަސައްކަތް ވަރަށްއަވަހަށް ފެށޭނެއެވެ. ޓަވަރު ހެދުމަށް 1.2 ބިލިއަންޑޮލަރުގެ އެއްބަސްވުމެއްގައި ވަރަށް އަވަހަށް ސޮއެ ކުރާނެކަމަށްވެސް ޠަލާލް ހާމަކުރިއެވެ. ޓަވަރު ހެދުމަށް ހަމަޖެހިފައިވަނީ ޖިއްދާގައެވެ.

ރަސޫލާ ޞައްލަﷲ ޢަލައިހި ޥަސައްލަމް ޣަދީޘްކުރައްވަނީ:
«وَحَتَّى يَتَطَاوَلَ النَّاسُ فِي الْبُنْيَانِ» البخاري"މީސްތަކުން އުސް އިމާރާތްކުރުމަށް ދާންދެން ޤިޔާމަތް ނުވާހުއްޓެވެ."

1. އެއްކަމަކީ ބިންހެލުން ގިނަވުމެވެ. މިކަމަކީ އެކަމުގެ މައްޗަށްބާރެއް ފޯރުވެވޭނޭ ކަމެއް ނޫނެވެ. 
2.  ފިތުނަތައް ގިނަވުން 
ﷲ ރުއްސުންލެއްވި އަބޫހުރައިރާގެ އަރިހުން ރިވާވެގެންވާ ޙަދީންފުޅެއްގެ މާނައިގައި ވެއެވެ. 
ހަމަކަށަވަރުން ރަސޫލު ޞައްލައްﷲ ޢަލައިހި ވަސައްލަމް ޙަދީޘް ކުރެއްވިއެވެ. " ކަނު އަނދިރި ރެއެއްގެ އަނދިރިގަނޑު ފަދަ ފިތުނަތަކެއް ކުރިމަތިވުމުގެ ކުރިން ހެޔޮޢަމަލުކުރުމަށް އަވަސްވެގަންނާށެވެ! އެހައިރުން، ހެނދުނު މުއުމިނެއްގެ ގޮތުގައި ހުންނަ މީހާ ހަވީރު ހުންނާނީ ކާފިރެއްގެ ގޮތުގައެވެ. ނުވަތަ ހަވީ މުއުމިނެއްގެ ގޮތުގައި ހުންނަ މީހާ ހެނދުނު ހުންނާނީ ކާފިރެއްގެ ގޮތުގައެވެ. އަދި ދުނިޔޭގެ ފަނާވަނިވި މުދާކޮޅަކަށް އޭނާގެ ދީން ވިއްކައިލާނެއެވެ." (ރަވާހު މުސްލިމް)
3.  އަމާނާތްތެރިކަން ގެއްލުން
4. ޖާހިލުކަން ފެތުރިގެންދިއުމާއި، ޢިލްމު ނެތިދިއުން
5. މިސްކިތް ބިނާކުރުމުގައި ފަޚުރުވެރިވުން
6.  މަރުވުމަށް އެދުން 
7. މުދާ އިތުރުވެ ތިޔާގި ވުމުގެ ސަބަބުން ޞަދަގާތް ހިފާނެ މީހަކު ނުވުން
8.  ޒިނޭކުރުން އާއްމެ ފެތުރުން
9. ޤަތުލު ގިނަވުން