ވަގު

  

   މަދަރުސާ ކުއްޖަކު، އޭނާގެ ކިލާހުގެ އެހެން ކުއްޖެއްގެ އަލިފުބާ ދަސްކުރާ ފޮތެއް ވަގަށް ނަގައިގެން ގެއަށް ގެން ގޮސްފިއެވެ. އެކުއްޖާއަށް އަދަބު ދިނުމުގެ ބަދަލުގައި މަންމަ އެކަމާއި މާ ބޮޑު އަޅައެއް ނުލިއެވެ. 

ދުވަސްތައް ފާއިތުވެ އޭނާ ޒުވާންވުމުން، ފޮތައް ވުރެ މާ އަގު ބޮޑު ތަކެތި އޭނާ ވަގަށް ނަގަންފަށައިފިއެވެ. އެންމެ ފަހުން ވައްކަމެއް ކުރަން އުޅެނިކޮށް ފުލުން މީނާ އަތުލައިގަނެ، ބިޑި އަޅުވައިގެން ޔޫނާނީ ޤާނޫނުގައި އޮންނަ ގޮތަށް މެރުމަށް ގެންގޮސްފިއެވެ. 

 މީނާގެ ފަހަތުން އަންނަމުންދާ ބައިގަނޑު ތެރޭގައި އޭނާގެ މަންމަ ހުއްޓައި ފެނިގެން ދޭވާނީ މަންމަ ގާތު އެންމެ ވާހަކައެއް ބުނުމުގެ ފުރުޞަތު ދިނުމަށް އާދޭސް ކޮށްފިއެވެ. މަންމަގެ ކަންފަތް ދަރިފުޅު ބުނާ އެއްޗެއް އަޑުއެހުމަށް އަގަޔާއި ކައިރި ކޮށްލުމުން، ކަންފަތުގެ ފޫޅުގައި ދަރިފުޅު ދަތް އަޅައި މަންމަގެ ބޮލުން ފޫޅުގަނޑު ވަކިކޮށްލައިފިއެވެ. 

ވީތަދުން މަންމަ ހަޅޭލަވައިގަތުމުން، މިތަން ފެނުނު މީހުންތައް ވެސް މިގޮތެއްފޮތެއް ނެތް ދަރިއާ ދިމާޔަށް އެއްޗެހި ގޮވުމުގައި އަޑުހަރުކުރިއެވެ. އޭނާގެ ވައްކަންތަކުން ނުފުދިގެން އެންމެ ފަހު ކަމަކަށް ބަނޑުއަޅައިވިހޭ މަންމައާއި ދޭތެރޭ ކަންކުރި ގޮތުންނެވެ.

  

 ދަރިފުޅު ބުންޏެވެ. "އަހަރެންގެ ހަލާކުގެ އަޞްލަކީ އޭނައެވެ. މަދަރުސާ ކުއްޖެއްގެ ފޮތެއް ވަގަށް ނަގައިގެން ޅައިރު މަންމައަށް ދިން ދުވަހު އެކަމާއި މަންމަ އަހުރެންނަށް އެކަށީގެންވާ އަދަބެއް ދިންނަމަ، އަހުރެން މި ނުބައިކަންމައްޗައް ގޯސްވެ، މި ޒުވާންދުވަސްވަރު މިފަދަ ހުތުރު ނިމުމަކުން ޢުމުރު ކުރުކުރާކަށް ނުޖެހުނީއެވެ."

   

ގަސްގަހުގެ ގުދުކޮށްހެދޭ ގޮފި، އޮއްޓު އަޅައި ތެދު ކުރެވުނީ އެ ފެހިކޮށް ހުންނައިރުއެވެ. ހޮޅިދަނޑިއެއްހާ ފަލަވުމުން ގުދު ގޮތްޕެއް ތެދުކުރެވޭނޭ ގޮތެއް ނޯވެއެވެ.