ނޫސްތަކުން ހަބަރު: އަފްޣާނިސްތާނަށް ދިވެހިސިފައިން ފޮނުވަންޖެހޭ ސަބަބު އެނގުނުގޮތަށް، އެތަނަށް ދިވެހިކުދީން ޖިހާދަށްދާ ސަބަބުވެސް އެނގެންވާނެއެވެ.

 އަފްޣާނިސްތާނަށްގޮސް ޖިހާދުކުރާން ދާންވީސަބަބު ނޭނގޭނަމަ ހަމައެތަނަށް ނޭޓޯ ސިފައިންނަށްއެހީވާން ދިވެހިސިފައިން ފޮނުވަންޖެހުނު ސަބަބެއްވެސް އޮވެގެންނުވާނެއެވެ. ދެފަރާތުންވެސް ހަމަދިވެހީންނެވެ. ހަމަ ޓްރޭނިންގ އެކެވެ. މީގައި ތަފާތަކީ ދިވެހިސިފައިން ބައިވެރިވަނީ އދ.ގެ ނޭޓޯ ކާފަރު ލަޝްކަރުގައި އިސްލާމުންނާއި ދެކޮޅަށެވެ. އަދި އިސްލާމްދީނަށް ވަފާތެރިވާން ﷲގަންދީ ހުވައިކޮށްގެން ތިބެގެނެވެ. ދިވެހިކުދީން ޖިހާދަށްގޮސް ބައިވެރިވަނީ މުސްލިމް މުޖާހިދުންނާއިއެވެ. އިސްލާމުންނަށް ކާފަރުން ޙައްޤަކާނުލައިދޭ އަނިޔާތަކުން ދިފާޢުވުމުގައި މުސްލިމްއަޚުންނާ ބައިވެރިވުމަށެވެ.


ނިކަންވިސްނަވާބައްލަވާށެވެ. މިވީހާތަނަށް ކަންދަހާރަށާއި ވަޒީރީސްތާނަށާއި ޕާކިސްތާނަށްގޮސް އާއިލާ އަށް ގެއްލުނީ ކިތައްކުދިންހެއްޔެވެ؟ ދޮގުހަދައިގެންވެސް 5 ކުދިންވެސް ހަމަކުރެވޭނެކަމެއްނޭގެއެވެ. އެކަމަކު މިއުޅޭ ވެރިންތައް ދިވެހިދަރީންނަށް ޑުރަގުބޯންދީގެން ޢާއިލާތަކަށް ގެއްލިގެންދިޔައީ ކިތައްހާސް ކުދީންތޯއެވެ. ފަހުގެ ތަފާސްހިސާބުތަކުންދައްކާ ގޮތުގައި ހަތަރުލައްކަ އާބާދީއޮތް ކުޑަކުޑައާބާދީގެ 60ހާސް ޑްރަގްއެޑިކްޓުން އެބަތިއްބެވެ. ރާބޮއިގެންހުންނަމީހަކަށްނޫނީ މިތަނުން ޤައުމަށް ގެއްލުން ބޮޑުވާނީ ކޮންކަމަކުންތޯ މިހާރުއެނގޭންޖެހޭނެއެވެ. މިއުޅެނީ މިގައުމުގައި ރާބޮއި ކެސީނޯ(ޖުވާ) ނުކުޅެވިގެންނެވެ. ތިޔަބޭފުޅުން ޙައިރާންވިއަސް ރައީސްނަޝީދުގެ ބަސްތަކަކަށް އަޅުގަނޑު ޙައިރާނެއްނުވަމެވެ. ސަބަބަކީ ކިޔުއްވޭނުކިޔުއްވޭއެއްޗެއް ނޭނގުމަކީ އެއީއޭނާގެ އާދައަކަށްވެފައިވުމެވެ.

މާޒީއަށް ޖެހިލަމާހެވެ. ރައީސްމައުމޫނަށް 2000މީހުން ވޯޓުލިއަސް ސިޔާސީމައިދާން އެއްކޮށް ދޫކޮށްލާނެކަމަށް ބުންޏެވެ. ރައީސްމައުމޫނުގެ އަނިޔާވެރިކަން ބަދަލުވުމަށްފަހު ދެންހުންނަވާނީ ނޫސްވެރިއެއްގެގޮތުގައިކަމަށް ބުނުއްވިއެވެ. އެމަނިކުފާނުގެ ވެރިކަމެއްގައި ދީނީކަންކަން ދީނީމީހުންނާއި ޙަވާލްކުރައްވަން ބުންޏެވެ. ދިވެހިންގެ ލޮލުގައި އަނދުން އެޅުވުމުގެގޮތުން އަދާލަތަށް އިސްލާމިކް މިނިސްޓްރީ ނަމުގައި ހަދައިދީފައި، ހުރިހައި ނިންމުމެއް ނިންމަނީ ރައީސްއޮފީހުންނެވެ. މިސާލުތައްބައިވަރެވެ. މިހާރު އެންމެގިނަ ނިންމުންތައްނިންމަނީ އެއުޅޭ އިބުރާއެވެ. އިސްލާމިކް މިނިސްޓްރީއަކީ ރައީސްއޮފީހުން ބުނާގޮތަކަށް ހުކުރުޚުޠުބާ ލިޔެ، ޕްރިންޓްކުރަން ހުންނަ ތަނެކެވެ.

ކޮންމެ ޑޮލަރެއްފަހަތުގައި ފުލުހަކު ބަހައްޓައިގެން ރޭޓު 10 އަކަށްވެސް ތިޔަހަރީ ދަށްކުރެވިފައެވެ. އެއްޗެހީގެ އަގުތައް އަތްފޯރާފަށަށާއި ފައިފޯރާފަށަށް ތިރިވެއްޖެނޫންހެއްޔެވެ. މަސްވެރީންގެ ސަބްސިޑީ އާއި ކަރަންޓުގެ ސަބްސިޑީވެސް އެއޮއްގެންހަމަ ބަހަނީއެވެ. ވެށިފަހިމާލެއާއި ފްލެޓްތައް ބަހަނީއެވެ. ވެންމަސް ވެނަށެވެ. ރައްޔިތުން އުމުރަށް ދަރަނީގައި ބައިތިއްބާ އަޅުވެތިކޮށްގެން ރައްޔިތުންއަތުން ޓެކްސްވެސްނަގަމުން ވައުދުތައް ފުއްދަނީޔޯލައެވެ. ނޫނޭވާ ސަހަރޯއެވެ.

މައުމޫނު ވަކީން ޕާޓީހަދަންދެން އޭނާގެ މައްޗަށް ޝަރީޢަތްވެސްނުކޮށް އެހުރީއެވެ. ތިމާމެންނަށްކަމެއްނުވެ އެކަމާއިރައްޔިތުން ހަޅޭއްލަވަންފެށީމައި ރ.ކޯ މޫސަލައްވާ 30 އަހަރޭ 30 އަހަރޭ ގޮއްވާނެއެވެ. އެހިސާބުން އަނެއްކާވެސް އަމިއްލަ ސަޕޯޓަރުންނަށް ކިކު އަންނާނެއެވެ. އެސޮރު އެކަމަށް ވަރަށްމޮޅުވާނެއެވެ.

ދަންނަވަންތޯއެވެ. މައުމޫނުވެސް ދިވެހިކުދީން ޕާކިސްތާނަށް ކިޔަވަން ދިއުން މަނާކުރިއެވެ. ދިވެހިސަރުކާރުން ދިވެހިމުސްލިމްކުދިން ޔޫކޭ އަށާއި އެމެރިކާ އަދި އިންޑިއާއަށް ކިޔަވަންފޮނުވާއިރު އެތަންތާ ކްރިސްޓިއަން ސްކޫލަށް މުސްލިމްދިވެހިދަރީންވަދެ ޢަޤީދާ ހަލާކުކުރަމުންދާއިރު ދިވެހިސަރުކާރު މިކަމާއި ކުށްވެރިވާންނުޖެހޭނެހެއްޔެވެ. ޖިހާދޭ ޖިހާދޭ ތޯރާބޯރާއޭ ކިޔާނެ ޙައްޤެއް ނަޝީދުއަކަށް މައުމޫނަކަށް ނޯންނާނެއެވެ. ވެރިކަން ހޯދައިދިނީވެސް ތޯރާބޯރާ ތުނބުޅިލީ މީހުންކަން މިހާރުތިޔަ ހަނދާންނެތުނީތާއެވެ. ޖިހާދުކުރުމުގެ ނަމުގައި ދިވެހިން ބޭރުޤައުމުތަކަށް ފޮނުވަންޖެހޭ މައްސަލަ އޮޅުން ނުފިލާކަމަށް ރާއްޖޭގެ ރައީސުލްޖުމްހޫރިއްޔާ ނަޝީދު ވިދާޅުވެއްޖެއެވެ. އައްޑޫއާއި ފުވައްމުލަކަށް މިހާރު ކުރައްވަމުންގެންދަވާ ދަތުރުފުޅުގައި ފުވައްމުލަކުގައި ދެއްކެވި ވާހަކަފުޅުގައި ޖިހާދުކުރަން ބޭރުޤައުމުތަކަށް ދިވެހި ކުދިން ނުފޮނުވުމަށް ހުރިހައި ދިވެހި ބެލެނިވެރިންގެ ފަރާތުން ނަޝީދު އެދިވަޑައިގަތެވެ. 

"އަޅުގަނޑުމެން އަފްޣާނިސްތާނު ބޯޑަރުމައްޗަށްގޮސް، ކަންދަހާރުގައި ޖިހާދު ކުރަންވީ ސަބަބެއް އަޅުގަނޑަށް އޮޅުންފިލާން ދަތި، އަޅުގަނޑު ފުވައްމަލަކުގެ ހުރިހައި ރައްޔިތުންގެ ކިބައިން އަދި ރާއްޖޭގެ އެންމެހައި ރައްޔިތުންގެ ކިބައިންއެދެން މިދެންނެވިމަގަށް ތިޔަބޭފުޅުންގެ ދަރިން ނުފޮނުއްވާށޭ" އަޑަށްބާރުލައްވާފައި ނަޝީދު ވިދާޅުވިއެވެ.

ނަޝީދުގެ ވާހަކަފުޅުގައި ޖިހާދުކުރަންޖެހޭ ސަބަބު އޮޅުންނުފިލާކަމަށްވިދާޅުވި ވިދާޅުވުމަކީ އެމަނިކުފާނު ކަނޑައެޅިގެން ހެއްދެވި ބޮޑު އިތުރުފުޅެކެވެ. މިކަމުގެ އެންމެ ބޮޑު ދަލީލަކީ ދިވެހިދަރިން އދ.ގެ ފައުޖުގައި އަފްޣާނިސްތާނަށާއި ޢިރާޤަށާއި ޕާކިސްތާނުފަދަ، އެންމެ ހަލަބޮލި އަދި ނުރައްކާތެރި ޤައުމުތަކަށް ފޮނުވުމަށް އެމަނިކުފާނު ނިންމަވާފައިވާ ނިންމެވުމެވެ.

ދަންނަވަންތޯއެވެ. ދުނިޔޭގައި މީސްތަކުންކުރާ ހަނގުރާމަބެހެނީ މައިގަނޑު ދެބަޔަކަށެވެ. އެއީ ﷲ ގެމަގުގައި ކުރެވޭ ހަނގުރާމަތަކާއި ޝައިޠާނާގެމަގުގައި ކުރެވޭހަނގުރާމަތަކެވެ. ﷲ ގެ މަގުގައިކުރެވޭ ހަނގުރާމަތަކަކީ ﷲ ގެ ކަލިމަފުޅު މަތިވެރިކުރަންކުރެވޭ ހަނގުރާމަތަކެވެ. މިގޮތުން މުސްލިމުންގެ މުޤައްދަސްތަންތަނާއި މުސްލިމުންގެމުދަލާއި ގެދޮރުގެ ޙިމާޔަތުގައި އިޚްލާޞްތެރި ހެޔޮނިޔަތުގައިކުރެވޭ ކޮންމެހަނގުރާމައަކީ ﷲ ގެ މަގުގައި ކުރެވޭ ހަނގުރާމައެކެވެ. އަދި އިސްލާމްދީނާއި ދެކޮޅަށް ނުވަތަ މުސްލިމުންގެ މުޤައްދަސް ތަންތަނާއި މުސްލިމުންގެ ބިންތައްފޭރުމަށް ކުރެވޭ ކޮންމެހަނގުރާމަކީ ޝައިޠޯނާގެމަގުގައި ކުރެވޭހަނގުރާމައެކެވެ.

މުސްލިމުންގެ ޢަދާވާތްތެރިންނާއި، އެމީހުންގެ އެހީތެރިންނާއިދެކޮޅަށް ބަޔަކު ހަނގުރާމަ ކުރަންޖެހޭ ސަބަބު ބައެއްމީހުންނަށް ފަހަރެއްގައިނޭނގިދާނެއެވެ. ސަބަބަކީތޯއެވެ. އެއީ ޝައިޠޯނާގެ އެކުވެރިން ކަމުގައިވާތީއެވެ.

މާތް ﷲ ވަޙީކުރެއްވިއެވެ.
الَّذِينَ آمَنُوا يُقَاتِلُونَ فِي سَبِيلِ اللَّـهِ  وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا  ( النساء : 76)  މާނައީ " إيمان ވި މީހުން اللَّه ގެ މަގުގައި ހަނގުރާމަކުރެތެވެ. އަދި، كافرވި މީހުން ޝައިޠާނާގެ މަގުގައި ހަނގުރާމަކުރެތެވެ. ފަހެ، ތިޔަބައިމީހުން ޝައިޠާނާގެ ވާގިވެރިންނާއި ހަނގުރާމަކުރާށެވެ! ހަމަކަށަވަރުން، ޝައިޠާނާގެ ކެހިވެރިކަންވަނީ ނިކަމެތިވެގެންނެވެ."

ވީމާ އިސްލާމްދީނާއި، މުސްލިމުންނާއި ދެކޮޅަށް ކުރެވޭހަނގުރާމަތަކުގައި ދިވެހިދަރިން ބައިވެރިކޮށް، ކާފަރުންނާއި އިދިކޮޅަށް ކުރެވޭ ހަނގުރާމަތަކުގައި ދިވެހިދަރިން ބައިވެރިވެ ހަނގުރާމަކުރަމުންދާ ސަބަބު ޝައިޠޯނާގެ ލަޝްކަރުގެ މީހަކަށް ނޭގުމަކީ ޢަޖައިބެއްނޫނެވެ.
ޝުކުރިއްޔާ والحمد لله.