ނޫސްތަކުން ހަބަރު: ސޫޒަން އަކީ ނަޞާރާއެއް: ވިކިލީކްސް

  މަޤާމުންދުރުކޮށްފައިވާ މިޞްރުގެކުރީގެވެރިޔާ ޙުސްނީ މުބާރަކުގެ އަންހެނުން ސޫޒަން ޘާބިތު އިބްރާހީމަކީ ނަޞާރާދީނުގެ އަހުލުވެރިއެއްކަމަށް މަޝްހޫރު ވިކިލީކްސްގައި ހާމަކޮށްފިއެވެ.


"އަލްމިޞްރީ އަލްޔަޥްމު" ނޫހުގެ އާދީއްތަދުވަހުގެ ޢަދަދުގައި ހާމަކޮށްފައިވާ އިތުބާރުހުރި ލިޔުމުގައި ބަޔާންކޮށްފައިވާގޮތުން "އޭނާއަކީ ނަޞާރާއެއްކަން ހާމަވެގެންގޮސްފައިވާ ތަފާތު ކަންކަމުގެތެރޭގައި، އަންހެނުންގެ ޙައްޤުތަކާއި، ކައިވެނީގެ ޤާނޫނުތަކާއި، އަދި އަމިއްލަ ދިރިއުޅުމުގެކަންކަމުގައި ގެންގުޅޭއުޞޫލުތައް ހިމެނެއެވެ."

26 މެއި 2005 ގައި ލިޔެވިފައިވާ ލިޔުމަކާއިޙަވާލާދީ ބަޔާންކޮށްފައިވާގޮތުން "މުބާރަކުގެ އަންހެނުންނަށް މިޞްރުގެ ސިޔާސީ މައިދާނާއި ޤައުމުހިންގުމުގެ ކަންކަމުގައި ވަރަށްބޮޑުބާރެއް ލިބިފައިވެއެވެ. އަދިހަމަ އެހެންމެ ސަރުކާރާއި އަދި ސަރުކާރުނޫން ތަޢުލީމުދިނުމުގެ އެންމެހާ ދާއިރާތަކެއްގެމައްޗަށް ނުހަނުބޮޑުނުފޫޒެއް އެއަންހެނާއަށް ލިބިފައިވެއެވެ."

އެހެން އިތުބާރުހުރި މަގަކުން އެނގިފައިވާގޮތުން "23 މެއި 2005 ގައި އެމެރިކާގެ ކުރީގެ ރައީސް (ޖޯޖު ޑަބްލިޔު ބުޝް) ގެ އަންހެނުންނާއި ސޫޒަންއާއި ކުރީގެ ފޮރިން މިނިސްޓަރ އަޙްމަދު އަބުލްޣައިޠުގެ އަންހެނުން ލައިލާ ކަމާލުއްދީން ޞަލާޙު އާއިއެކު ޤަޞްރުލް ޢުރޫބާގައި ވަރަށް ޚާއްޞަ ބައްދަލުވުންތަކެއްބޭއްވިއެވެ. މިބައްދަލުވުންތަކުގައި ދެފަރާތުން އެއްބަސްވި ކަންކަމުގެތެރޭގައި މިޞްރުގެ ކުޑަކުދިންނަށް ފިކުރީގޮތުން ހުޅަނގުގެ ނުފޫޒުތައް ފޯރުކުރެވޭނެމަގުތަކާއި އެކަންކަންހިންގުމަށާއި އެކަމަށްއެމެރިކާގެ އެހީތެރިކަން ދިނުންހިމެނެއެވެ. މިގޮތުން "ޢާލިމް ސިމްސިމް" ގެނަމުގައި ޕްރޮގްރާމްތަކެއް ހިންގުމަށް "ޔޫ،އެސް އެޖެންސީ ފޯ އިންޓަރނޭޝަނަލް ޑިވޮލޮޕްމަންޓް"    (USAID)އިން ފަންޑުކުރުމަށް ނިންމިއެވެ."

     މިއީ ޔޫރަޕުގެ ރަތްލާޖެހި ކާފަރުންގެ މަކަރުން، އިސްލާމީ ޤައުމުތަކުގެވެރިންގެގޮތުގައި ފައިހިއްޕާލައިގެންތިބި ޚުދުމުހުތާރު ވެރިންނާމެދު ރާވާ، ޖަހާފައިވާ ދަންތުރަތަކުގެ އެއްވައްތަރެވެ. މުބާރަކު ނޫނެއްކަމަކު ފަލަސްޠީނުގެ ވެރިއެއްކަމުގައި ހެދިގެންހުރެ މުސްލިމް މުޖާހިދުން އިޒްރޭލުގެބަހަށް ހައްޔަރުކޮށްދީ އަދަބުދައްކާއުޅުނު، ޔާސިރު ޢަރަފާތާވެސް ކައިވެނިކުރުވާފައިވަނީ ޢުމުރުން ނުހަނު ޅަ ނަޞާރާއަންހެން ކުއްޖަކާއެވެ. އެވެރިންގެ މަސައްކަތަކީ އިސްލާމީ ޤައުމުތަކުގެ ވެރިންގެއަނބިންނަކީ އެވެރިންގެ މީހުންކަމުގައި ނުހެދިއްޖެނަމަ އެފަދަވެރިންނަމަވެސް އެވެރިންގެ މީހުންކަމުގައި ހެދުމެވެ.

ކަންހުރީ މިހެންކަމުގައިވާއިރު ދިގުމުއްދަތެއްގައިނަމަވެސް ނުވަތަ ކުރުމުއްދަތެއްގައިނަމަވެސް އިސްލާމީ ބައެއްޤައުމުތަކުގައި ވެރިކަންކުރާވެރިން އެޤައުމުތަކުގެ މުސްލިމުންގެ އެދުމާއި އިސްލާމީ ޝަރީޢަތާއިދިމާއަށް ޚިލާފުވެގަނެ، ޔޫރަޕުގެ ރަތްލާޖެހި ކާފަރުންނާއި އިޒުރޭލުގެ ޒަޔަނިސްޓް ޔަހޫދީންގެއެދުމާއިއެއްގޮތަށް އިސްލާމީ ބިންތަކުގައި ކަންހިންގާން އުޅޭއުޅުންތަކަކީ މިކަހަލަކޮންމެވެސް ދަންމަޅިއެއްގައި އެފަދަވެރިން ބަނދެވިފައިވާކަން ހާމަވާނޭ އަލިގަދަ ބޮޑު މަންޒަރެއް ނޫންބާވައެވެ.