12:47 PM
އިއްޔެ އިސްލާމިކް ފައުންޑޭޝަން އޮފް ދަ މޯލްޑިވްސްގެ އޮފީހުގައި މީޑިޔާއަށްމައުލޫމާތު ދެއްވަމުން އިސްލާމިކް ފައުންޑޭޝަން އޮފް ދަ މޯލްޑިވްސްގެ ދީނީއިލްމުވެރިންގެ މަޖިލީހުގެ ނާއިބު ރައީސް ޝައިޚް ފަރީދު ވިދާޅުވީ ޤުރުއާނާތައާރަޒްވާގޮތަށް އެއްވެސް ގަވާއިދެއް ނުހެދޭނެކަމަށެވެ. މިހެންވެ، މިހާރުގެޒެޓްކުރެވުނު ގަވާއިދަކީ ބާތިލް ގަވާއިދެއްކަމަށް ޝައިޚް ފަރީދު ވިދާޅުވި އެވެ.އަދި މުސްލިމުންގެ ގޮތުގައި ތިބެ އެފަދަ ގަވާއިދެއް ގެޒެޓްކުރެއްވީތީހިތާމަފާޅުކުރައްވާކަމަށް ޝައިޚް ފަރީދު ވިދާޅުވި އެވެ.
"ލޮލުން ކަރުނައަޅާހާލު، އެކަންކުރި އެންމެން ތައުބާވުމަށް ގޮވާލަން،" ޤަތަރުޔުނިވަސިޓީން ދީނީ ތައުލީމް ހާޞިލްކުރައްވައިގެން ހުންނެވި ޝައިޚް ފަރީދުގޮވާލެއްވި އެވެ. "ޚާއްސަ ގޮތެއްގައި އެގަވާއިދު ކަނޑައަޅުއްވައި ގެޒެޓްކުރެއްވުމަށްބާރުއެޅުއްވި މިނިސްޓަރަށް ތައުބާވުމަށް ގޮވާލަން."
މީގެއިތުރުން ގަވާއިދު ރާއްޖޭގެ ގާނޫނުއަސާސީ އާއި ހެދިފައިހުރި ގަވާއިދުތަކާވެސްފުށުއަރާކަމަށް ޝައިޚް ފަރީދު ވިދާޅުވި އެވެ.
"އިސްލާމިކް މިނިސްޓްރީން ހުށަހަޅުއްވައި ގެޒެޓްކުރުމަށް ޕްރެޝަރުކުރައްވައިގެންއެ ފާސްކުރެއްވި ގަވާއިދުގައި ޤުރުއާނާ ހިލާފް އެތައް ކަންތައްތަކެއް ހިމަނާފައިއެބަހުރި،" ޝައިޚް ފަރިދު ވިދާޅުވި އެވެ. "ﷲ ތައާލާ އިސްލާމްދީން ފެތުރުމަށްދެއްވާފައިވާ މިނިވަންކަމަށް ހުރަސްއަޅާ އެއްޗެއް. އެހެންކަމުން އެގަވާއިދަކީ މުޅިންބާތިލް އެއްޗެއް."
އަދި ޝައިޚް ފަރީދުގެ ވާހަކައިގައި ޤުރުއާނުން ގިނަ ދަލީލުތައް ދެއްކެވި އެވެ.
"ހެޔޮ ކަންކަމަށް އަމުރުކޮށް ނުބައި ކަންތައް މަނާކުރުން ދީނުގައި އޮންނަނީ. މިއީދީނުގެ އާންމު ގަވާއިދެއް. ވަކި ހުއްދައެއް އެކަމަށް ނަގާކަށް ނުޖެހޭނެ. އިސްލާމްދީނަކީ މިނިވަން އެއްޗެއް. މިނިވަން އެއްޗެއް." ޝައިޚް ފަރީދު ވިދާޅުވި އެވެ.
ޝައިޚް ފަރީދު އިތުރަށް ވިދާޅުވިގޮތުގައި މި ނޫސްކޮންފަރެންސަކީ ދެކޮޅުހެދުމުގެފެށުމެކެވެ.
"އަދި މިއީ ފެށުމެއް. މިއީ އަޅުގަނޑުމެންގެ މަސައްކަތުގެ ފެށުން. އަޅުގަނޑުއެންމެހާ ރައްޔިތުންނަށް ވެސް ގޮވާލަން. ތިބޭފުޅުންވެސް ވީ ވަރަކުން އެ ގަވާއިދާދެކޮޅަށް މަސައްކަތް ކުރެއްވުމަށް. ޑރ. މަޖީދަށް ވަރަށް ލޯތްބާއި އެކު މިގޮވާލަނީއެ ގަވާއިދު އަލުން މުރާޖައާ ކުރެއްވުމަށް،" ފަރީދު ވިދާޅުވި އެވެ.
ބޮޑެތި ހިޔާލުތަފާތުވުންތަކަކަށް ފަހު ގެޒެޓް ކުރި ދީނީ އެއްބައިވަންތަކަން ހިމާޔަތްކުރުމުގެ ގަވާއިދު ބާތިލުކުރަން ހުކުމް ކޮށްދިނުމަށް އެދި ވަރަށް އަވަހަށް ސުޕްރީމްކޯޓަށް މައްސަލަ ހުށަހަޅާނެ ކަމަށް އިސްލާމިކް ފައުންޑޭޝަން އިން ބުނެފައިވެއެވެ.
އިއްޔެގެ ނޫސްކޮންފަރެންސްގައި ޝައިޚް ފަރީދުގެ އިތުރުން އިސްލާމިކްފައުންޑޭޝަންގެ ރައީސް އިބްރާހީމް ފައުޒީ، ނާއިބު ރައީސް އަލްއުސްތާޛް މުޙައްމަދު ފައުޒީ، ދީނީ އިލްމުވެރިންގެ މަޖިލީހުގެ ރައީސް ޝައިޚް އަބޫބަކުރު އިބްރާހީމް، ދީނީ އިލްމުވެރިންގެ މަޖިލީހުގެ މެންބަރު ޝައިޚް އިބްރާހީމް އަލީ އަދިޤާނޫނީ ވަކީލު އަލްއުސްތާޛް ޝަހީމް އަޙްމަދު ބައިވެރިވެވަޑައިގެންނެވި އެވެ.
0 comments:
Post a Comment