ބުޅަލެއް މަރާލުމުން ހަމަސްދުވަހަށް ޖަލަށްލުމަށް ކޯޓަކުން ޙުކުމްކޮށްފި.

     މީހަކު ބުޅަލެއް މަރާލައިގެން ހަމަސްދުވަހަށްޖަލަށް ލުމަށް އެމެރިކާގެ ނިއުޔޯރކްގެ ކޯޓަކުން ޙުކުމް އިއްވައިފިއެވެ.
އެމެރިކާގެ މަޝްހޫރު ނޫހެއްކަމުގައިވާ ނިއުޔޯރކް ޕޯސްޓަގައި ހާމަ ކޮށްފައިވާ ގޮތުގައި Lordtyshon Garrett ނަމަކަށްކިޔުނު މީހަކު ބުޅަލަކަށް އެކިވަރުގެ އަނިޔާދިނުމުގެ ސަބަބުން އެސޮރުގެ ފުއްޕާމެޔަށް ބޮޑެތި ގެއްލުންތަކެއްލިބި ޙާލު ދެރަވެ އުއްމީދު ކަނޑާލުމަށްފަހު ބުޅާ ބެލި ޑަކްޓަރުން އެސޮރު  "އިއޫތަނޭސިއާ" ކޮށްފިއެވެ. ނުވަތަ އޯގަތެރި މަރަކުން މަރާލައިފިއެވެ. އެމެރިކާގައި ގަސްތުގައި ޖަނަވާރެއް މަރާލައިފި މީހެއްހެ ޙުކުމަކީ ދެއަހަރުދަވަހުގެ މުއްދަތަށް ޖަލަށްލުމެވެ. މިމައްސަލައިގައި މިމީހާއަށް 6 މަސްދުވަހުގެ ޙުކުމެއް އިއްވައިފައިވަނީ ޤަސްތުގައި މަރާލިކަމަށް ބެލެވޭ ކާފީ ހެކި ނެތުމުންކަމަށް އެނޫހުގައި ހާމަކޮށްފައިވެއެވެ.


ނޯޓް: ޢިރާޤު އަފްޣާނިސްތާނު އަދި ފަލަސްޠީންގައި މަރުވަމުންދާ އެތަކެއް މުސްލިމް އަފްރާދުންގެ ލެޔާ ފުރާނައިގެ އަގެއް މިބައިމީހުންގެ ކުރިމަތީގައި ނުވެއެވެ. މިބައިމީހުން ކަންބޮޑުވަނީ ޖަނަވާރެއް މަރުވުމުންނެވެ. އިންސާނުންގެ ލެޔާއި ފުރާނަ ޙުރުމަތްތެރިކުރެއްވި އިލާހުވަނީ ދިރޭތަކެއްޗަށްވެސް ޙައްޤު ހޯދައިދެއްވާފައެވެ.

ކީރިތި ރަސޫލާ ޙަދީޘް ކުރެއްވިއެވެ. دخلت امرأة النار في هرة حبستها فلم تطعمها ولم تدعها تأكل من خشاش الأرض)ނަރަކައަށް ވެއްދެވުނު އަންހެނަކު ދަންނައެވެ. އޭނާ ބުޅަލެއްމަރާފައިވަނީ ބުޅަލަށް ކާންނުދީ ހައްޔަރުކޮށް އަދި ބިންމަތީގައިވާ ތަކެތި ކެއުމަށްވެސް ދޫކޮށްނުލައެވެ.

އަބޫޣުރައިބު ޖަލުގައި އެމެރިކާގެ ސިފައިން އެއްވެސް ރަޙުމެއް އޯގާތެރިކަމެއްނެތް ޙާލުގައި މުސްލިމް އަޚުންނަށްދިން އަނިޔާއާއި ގެއްލުމުގެ އިންތިހާދަރަޖައިގެ މަންޒަރު ދައްކުވައިދޭ ފޮޓޯތަކާއި ވީޑިއޯތައް މުޅިދުނިޔެއަށް ބޭޒާރުވެ ފަޟީޙަތްވެ އެކަމުގައި އެންމެ އިސްކޮށް ޙަރަކާތްތެރިވި ސިފައިންގެ މީހެއްކަމަށްވާ ޗާލްޒް ގްރެނަރގެ އަދަބަ ލުއިކޮށް އޭނާވަނީ ޖަލުން ދޫކޮށްލާފައެވެ. މިއީ މި ނުބައިވެގެންވާ ކާފަރުންގެ ޢަދުލު އިންޞާފުގެ ތިލަފަތްކިރާ މިންވަރު ހާމަވެގެންދާ ހެއްކެކެވެ. މިފަދަ ބަޔަކު ދެން ވަލު ޖަނަވާރުންނަށް އޯގާތެރިވާނީ ކޮންފަދައަކުން ހެއްޔެވެ.