ޤިޔާމަތުގެ ބޮޑެތި ޢަލާމާތްތައް

ޤިޔާމަތުގެ ޢަލާމާތްތައް
ދުނިޔެ ނިމުން ނުވަތަ ޤިޔާމަތްވުން ގާތްވެގެން އަންނަ އިރު އެކަމުގެ މައްޗަށް ހުރި އަލާމާތްތަކެއް ފާޅުވެ ފާޅުވެ ހުންނާނެއެވެ. އެއީ އެއީ ޤިޔާމަތްވުމުގެ ޢަލާމާތްތަކެވެ.
ޤިޔާމަތްވުމުގެ ޢަލާމާތްތައް ބެހިގެންވަނީ ދެބަޔަކަށެވެ. އެއީ ޤިޔާމަތްވުމުގެ ކުދި ޢަލާމާތްތަކާއި ބޮޑެތި އަލާމާތްތަކެވެ.

މީގެ ތެރެއިން ހިމެނޭ ބައެއްކަންތައް ތަކަކީ އެކަންތައް ތަކުން މީސްތަކުންނަށް ރައްކައުތެރި ނުވެވޭ ބާވަތުގެ ކަންތައްތަކެވެ. މިސާލަކަށް: 
1. އެއްކަމަކީ ބިންހެލުން ގިނަވުމެވެ. މިކަމަކީ އެކަމުގެ މައްޗަށްބާރެއް ފޯރުވެވޭނޭ ކަމެއް ނޫނެވެ. 
2.  ފިތުނަތައް ގިނަވުން 
ﷲ ރުއްސުންލެއްވި އަބޫހުރައިރާގެ އަރިހުން ރިވާވެގެންވާ ޙަދީންފުޅެއްގެ މާނައިގައި ވެއެވެ. 
ހަމަކަށަވަރުން ރަސޫލު ޞައްލައްﷲ ޢަލައިހި ވަސައްލަމް ޙަދީޘް ކުރެއްވިއެވެ. " ކަނު އަނދިރި ރެއެއްގެ އަނދިރިގަނޑު ފަދަ ފިތުނަތަކެއް ކުރިމަތިވުމުގެ ކުރިން ހެޔޮޢަމަލުކުރުމަށް އަވަސްވެގަންނާށެވެ! އެހައިރުން، ހެނދުނު މުއުމިނެއްގެ ގޮތުގައި ހުންނަ މީހާ ހަވީރު ހުންނާނީ ކާފިރެއްގެ ގޮތުގައެވެ. ނުވަތަ ހަވީ މުއުމިނެއްގެ ގޮތުގައި ހުންނަ މީހާ ހެނދުނު ހުންނާނީ ކާފިރެއްގެ ގޮތުގައެވެ. އަދި ދުނިޔޭގެ ފަނާވަނިވި މުދާކޮޅަކަށް އޭނާގެ ދީން ވިއްކައިލާނެއެވެ." (ރަވާހު މުސްލިމް)
3.  އަމާނާތްތެރިކަން ގެއްލުން
4. ޖާހިލުކަން ފެތުރިގެންދިއުމާއި، ޢިލްމު ނެތިދިއުން
5. މިސްކިތް ބިނާކުރުމުގައި ފަޚުރުވެރިވުން
6.  މަރުވުމަށް އެދުން 
7. މުދާ އިތުރުވެ ތިޔާގި ވުމުގެ ސަބަބުން ޞަދަގާތް ހިފާނެ މީހަކު ނުވުން
8.  ޒިނޭކުރުން އާއްމެ ފެތުރުން
9. ޤަތުލު ގިނަވުން 
މި މި މަޒުމޫނުގައި އަޅުގަނޑު އަލިއަޅުވާލަން ޤަސްތުކޮށްފައި އޮތީ ޤިޔާމަތް ވުމުގެ ބޮޑެތި ޢަލާމާތްތަކަށް ކަމަށް ވުމާއެކު އެ އަލާމާތްތަކަށް އިންސާފު ކުރެވޭތޯ މަސައްކަތް ކޮށްލާނަމެވެ.


ޤިޔާމަތް ވުމުގެ ބޮޑެތި ޢަލާމާތްތައް
ދުނިޔެ ނިމުން ނުވަތަ ޤިޔާމަތްވުން ގާތްވެގެން އަންނައިރު ގިޔާމަތްވުމުގެ ބޮޑެތި އަލާމާތްތަކެއް ފުލުފުލުން ފާޅުވަމުންދާނެއެވެ. މި ބޮޑެތި އަލާމާތްކަކަކީ ވަރަށްވެސް އާދަޔާ ޚިލާފު ބޮޑެތި ހާދީޘާ ތަކެކެވެ. އާދަޔާ ޚިލާފު ބޮޑެތި ކަންތައްތަކެކެވެ. މި ބޮޑެތިކަންތައްތަކަށް ބޮޑެތި އަލާމަތްތަކޭ ކިޔުނީ މިކަންތައް ތަކަކީ ޢާއްމުކޮށް ހިނގާ ކަންތައް ތަކެއް ކަމުގައި ނުވާތީ އެވެ. 
ﷲ ރުއްސުންލެއްވި ޚުޛައިފަތު ބުނު އަސީދުނިލްޣިފާރީ ވިދާޅުވިއެވެ. ތިމަންބޭކަލުން ވާހަކަ ދައްކަވަން ތިއްބަވަނިކޮށް ސަލާމާއި ޞަލަވާތްލެއްވި ނަބީކަލޭގެފާނު ތިމަންބޭކަލުންގެ އަރިހަށް ވަޑައިގަތެވެ. ޙަދީޘް ކުރެއްވިއެވެ. ތިޔަބޭކަލުން ތިޔަދައްކަވަނީ ކޮންވާހަކައެއް ހެއްޔެވެ؟ އެބޭކަލުން ދެންނެވިއެވެ. އަޅުގަނޑުމެން މިދައްކަނީ ޤިޔާމަތް ވުމުގެ ވާހަކައެވެ. ޙަދީޘްކުރެއްވި އެވެ. "ހަމަކަށަވަރުން ދަހަ އަލާމާތެއް ފެނިއްޖައުމަށްދާންދެން ޤިޔާމަތް ނުވާހުއްޓެވެ. ފަހެ ޙަދީންކުރެއްވިއެވެ. ހަމަކަށަވަރުން ދިހަ ޢަލާމާތެއް ފެނިއްޖައުމަށް ދާންދެން ޤިޔާމަތްނުވާ ހުއްޓެވެ. ފަހެ ޙަދީޘްކުރެއްވިއެވެ. އެއީ، ދުންގަނޑެއް ފާޅުވުމާއި، ދައްޖާލު އެރުމާއި،ބިމު ދާއްބައެއް ނިކުތުމާއި، ހުޅަނގުފަރާތުން އިރުއެރުމާއި، މަރުޔަމްގެ ފާނުގެ ދަރިކަލުން އީސާ ޢަލައިހިއްސަލާމް ފައިބައި ވަޑައިގަތުމާއި، ޔައުޖޫޖު މައުޖޫޖު ބާގައިގެ މީހުން ނިކުތުމާއި، ބިންގަނޑު ގަންބައިގަތުމާއި، އެއީ އިރުމަތީ ފަރާތުގެ ގަންބަވައި ގަތުމަކާއި، ހުޅަނގުފަރާތުގެ ގަންބަވައި ގަތުމަކާއި، އަރަބިކަރައިގެ ގަންބަވައިގަތުމެކެވެ. މި ޢަލާމާތްތަކުގެ އެންމެ ފަހު ޢަލާމާތަކީ ޔަމަނުކަރައިން ނިކުމެގެން އެންމެން އެއްތަނަކަށް ލައްވަމުން ގެންދާ އަލިފާން ގަނޑެކެވެ."
ބޮޑެތ އަލާމާތްތަކުގެ ތެރެއިން ބައެއް ކަންތައްތައްތަކުގެ ތަފްޞީލު
ރަސޫލު ޞައްލައްﷲ ޢަލައިހިވަސައްލަމަ ޤިޔާމަތްވުމުގެ ވާހަކަ ނުހަނު ތަފްޞީލުކޮށް ބަޔާންކޮށްދެއްވާފައި ވެއެވެ. ﷲ ރުއްސުންލެއްވި އަޞްޙާބުބޭކަލުން މި ޙަދީޘްތައް ރިވާކުރައްވާފައި ވެއެވެ. الخا فظ إبن حجر العسقلاني މި ޙަދީޘްތައް ޖަމައަކުރައްވައި ޝަރަޙަކޮށްދެއްވާފައިވެއެވެ. އެހެނިހެން މުޙައްދިޘުންވެސް މެއެވެ. ފަތުޙުލުބާރީގައި (11-353) الخا فظ إبن حجر މި ހަދީޘްތައް ޝަރަހަކުރައްވަމުން ވިދާޅުވެފައި ވެއެވެ. ޤިޔާމަތްވުމުގެ ބޮޑެތި ޢަލާމާތްތަކުގެ ތެރެއިން އެންމެ ފުރަތަމަ ޢަލާމާތަކީ ދައްޖާލު އެރުމެވެ. 
1.  دجّال އެރުން
ދައްޖާލު އެރުމަކީ ޤިޔާމަތުގެ ބޮޑެތި ޢަލާމާތްތަކުގެ ފުރަތަމަ ޢަލާމާތެވެ. ދައްޖާލަކީ މީހެކެވެ. ނަމަވެސް އާދައިގެ މީސްމީހުންނާ ތަފާތު ސިފަތަކަކުން އޭނާ ސިފަކުރެވިގެން ވެއެވެ. ޞައްޙަމަގުން ވާރިދުވެފައި ހުންނަ ޙަދީޘްތަކުން މިކަން ސާބިތުވެއެވެ. މީސްތަކުން އޭނާ ދެނެގަނެ އޭނާގެ ނުބައަކަމުން ސަލާމަތްވެގަތުމުގެ ޙިކުމަތަށްޓަކައި ރަސޫލު ޞައްލައްﷲ ޢަލައިހިވަސައްލަމް އޭނާގެ ގިނަސިފަތައް މިއުއްމަތަށް ބަޔާންކޮށްދެއްވާފައި ވެއެވެ. ދައްޖާލު އަރާޒަމާނެއްގައި ދުނިޔޭގައި ތިބި މުއުމިންނަށް އޭނާގެ ކިބައިން ސަލާމަތްވުމަށްޓަކައެވެ. (ދަރުމަ ސެޕްޓެމްބަރ 2005)

2.  عيسى عليه لسلام ބިމަށް ފައިބާ ވަޑައިގަތުން
ﷲ ރުއްސުންލެއްވި އަބޫހުރައިރާ ރިވާކުރައްވާފައިވާ ޙަދީޘެއްގެ މާނައިގައި ވެއެވެ.ރަސޫލާ ހަދީޘްކުރެއްވިއެވެ. "ތިމަންކަލޭގެފާނުގެ ފުރާނަފުޅު އެފަރާތެއްގެ ބާރުގެ ދަށުގައި ވާ މާތްﷲ ގަންދެއްވައި ވިދާޅުވަމެވެ. ތިޔަބައިމީހުންގެ ތެރެއިން ޢަދުލުވެރި ޙާކިމެއްގެ ގޮތުގައި އިބުނު މަރްޔަމް(އެބަހީ ޢީސާގެފާނު) ފައިބައި ވަޑައިގަތުން ހަމަކަށަވަރުން ގާތްވެއްޖެއެވެ. އެކަލޭގެފާނު ފައިބައި ވަޑައިގެން ޞަލީބުތައް ހަލާކު ކުރައްވައި އޫރުތައް ޤަތުލުކުރައްވާނެއެވެ. އަދި ޖިޒީނެގުން ހުއްޓުވައިލައްވާނެއެވެ. އެއްވެސް މީހަކު ބޭނުންނުކުރާ މިންވަރަށް މުދާ ގިނަވެގެން ދާނެއެވެ. އެންމެ ސަޖިދައެއްވެސް ދުނިޔެއާއި ދުނިޔޭގައިވާހާ ތަކެއްޗަށްވުރެ ހެޔޮކަންބޮޑު ކަމެއްކަމުގައި ވެއްޖައުމަށް ދާންދެނެވެ." (ރިވާހު ބޮޙާރީ) ގްރޭޑް 10 އިސްލާމީ ތަރުބިއްޔަތު)
3. يأجوج مأجوج ބާގައިގެ މީހުން ނިކުތުން
ذوالقرنين ލެއްވި ދަގަނޑުފާރުގެ ހުރަހަކީ ދެފަރުބަދަ ދެމެދުގައި ލެއްވި ހުރަހެކެވެ. މިހުރަސް ހުރިތަނެއް މިހާރަކު ކަނޑައެޅިގެން އެނގިގެނެއް ނުވެއެވެ. ކޮންމެއަކަސް ޤިޔާމަތް ގާތްވުމުން އެހުރަސް ކުނޑި ކުނޑިވެގެން ހިނގައިދާ ހުއްޓެވެ. ދެން يأجوج مأجوج ބާގައިގެ މީހުން ނިކުންނަ ހުއްޓެވެ. އެއީ ޤިޔާމަތް ގާތްވުމުގެ ބޮޑެތި އަލާމާތުގެ ތެރެއިން ޢަލާމާތެކެވެ. ދައްޖާލަކީވެސް ފަހުޒަމާނުގައި ނުކުންނަ މީހެއްފަދައިން يأجوج مأجوج ބާގައިގެ މީހުންނަކީވެސް ފަހުޒަމާނުގައި ނިކުންނަ ބައިގަނޑެކެވެ. ހިޖުރައިން ހަތްވަނަ ޤަރުނުގައި ފާޅުވެގެން ދުނިޔޭގެ އެތަން މިތަން ފަސާދަކޮށް އުޅުނު ތަތަރުންނަކީ يأجوج مأجوج ބާގައިގެ މީހުންނެއް ނޫނެވެ. މި ނުރައްކައުތެރި ބައިގަނޑު އަދިއެއް ނުނިކުމެއެވެ. އެބައިމީހުން ނިކުންނާނީ ޢީސާ އަލައިހިއްސަލާމް ފައިބައި ވަޑައިގަތުމަށްފަހުގައެވެ. އަދި އެކަލޭގެފާނު ދައްޖާލު ގަތުލު ކުރެއްވުމަށް ފަހުގައެވެ. އަދި އެބައިމީހުން ހަލާކުވެ މަރުވެގެންދާހުށީ އެކަލޭގެފާނު ﷲ ގެ ޙަޟުރަތަށް ދުއާކުރެއްވުމަށްފަހުގައެވެ. 
يأجوج مأجوج އަކީ އާދަޔާ ޚިލާފު ބައެކެވެ. އަދި ނުހަނު މީހުން ގިނަ ބައިގަނޑެކެވެ. ބާރުގަދަ ބައެއްވެސް މެއެވެ. އެބައިމީހުންނާ ހަނގުރާމަކުރުމަކީ އެއްވެސް ބަޔަކަށް ކުޅަދާނަވެގެންވާނޭ ކަމެއްނޫނެވެ. މިހުންނަނީ ޞައްޙަ ޙަދީޘުން ޘާބިތުވާ ކަންކަމެވެ. އެބައިމީހުންކުރެ މީހެއްގެ ދިގުމިނަކީ ކައިވަތެކޭ ނުވަތަ ދެކައިވަތޭ ބުނުމަކީ ޞައްޙަމަގުން ވާރިދުވެގެން ދެކެވޭ ވާހަކައެއް ނޫނެވެ.
يأجوج مأجوج ގެ ވާހަކަ ކީރިތި ޤުރުއާނުންނާއި ޞައްޙަ ޙަދީޘުން ޘާބިތުވެއެވެ.