މުސްލިމުންގެލޭބޯއަދުއްވު ބޮޑުޓެރަރިސްޓް އެމެރިކާ އިސްލާމްދީނާދެކޮޅަށްނަމުގައި 10އަހަރުގެބޮޑުކެމްޕޭނެއް އެމެރިކާގަ އިފްތިތާހުކޮށްފި

    އެމެރިކާގެ 7 ޖަމާޢަތަކާއި ބޮޑެތި ވިޔަފާރިވެރިން އެކުވެގެން، އިސްލާމްދީނާމެދު މީސްތަކުންގެ ހިތްތަކުގައި ބިރުވެރިކަމާއި ނަފްރަތު އުފެއްދުމުގެ 10 އަހަރުގެ ކެންޕޭނެއް އެމެރިކާގައި ފެށިގެން ކުރިއަށް އެބަދެއެވެ.
ސެންޓަރ ފޯރ އެމެރިކަން ޕްރޮގްރެސް އިން މިދިޔަ ހުކުރު ދުވަހު ނެރުނު 130 ޞަފްޙާގެ ރިޕޯޓުގައިވާގޮތުގައި، 2001 އިން 2009 އާ ދެމެދު 42 މިލިއަން އެމެރިކާ ޑޮލަރު ފަންޑުކުރާ ފަރާތްތަކުންވަނީ މިކަމަށްޓަކައި ވަކި ފަރުދުންނަށާއި ޖަމާޢަތްތަކަށް ޚަރަދުކޮށްފައެވެ.

"ބައެއް ފަހަރު މި ފައުންޑޭޝަންތަކުން އަދި އެމީހުންނަށް ފަންޑުކުރާ ފަރާތްތަކުން ދޭ ފައިސާއަކީ، ސީދާ އިސްލާމްދީނާމެދު ބިރުވެރިކަމާއި ނަފްރަތު އުފެއްދުން (ނުވަތަ އިސްލާމޮފޯބިއާ - Islamophobia) ފެތުރުމަށް ބޭނުންކުރެވޭ އެއްޗެކެވެ. އެކަމަކު، ގިނަފަހަރު އެހީތެރިކަން ދެނީ ޢާއްމު ބޭނުންތަކުގައެވެ.

 (އަދި އެހެންމެ) އެންމެ ހަރުދަނާ އަދި ބޮޑެތި ޖަމާޢަތްތަކުން އެމީހުންގެ އެންމެ ފުރަތަމަ މަޤްޞަދު ޙާޞިލްކުރުމަށްޓަކައެވެ. އެއީ އެމީހުންނަށް ފެތުރޭ އެންމެ ފުޅާދާއިރާއެއްގައި (އިސްލާމްދީނާމެދު މީސްތަކުންގެ ހިތްތަކުގައި) ރުޅިވެރިކަމާއި ބިރުވެރިކަމުގެ މެސެޖު ފެތުރުމެވެ." އެ ރިޕޯޓުގައި ބުނެފައިވެއެވެ.

މީސްތަކުންގެ މެދުގައި އިސްލާމޮފޯބިއާ ފަތުރަން ފަންޑުކުރާ ޖަމާޢަތްތަކުގެ ތެރޭގައި، ޑޯނަރސް ކެޕިޓަލް ފަންޑް (Donors Capital Fund)، ރިޗާޑް މެލްޓަން ސްކެއިފް ފައުންޑޭޝަންސް (Richard Melton Scaife Foundations)، ލިންޑެ އެންޑް ހެރީ ބްރޭޑްލީ ފައުންޑޭޝަން (Lynde and Harry Bradley Foundation)، ނިއުޓަން ޑީ. އެންޑް ރޮޗެލް އެފް. ބެކާ ފައުންޑޭޝަންސް އެންޑް ޗެރިޓެބަލް ޓްރަސްޓް (Newton D. & Rochelle F. Becker foundations and charitable trust)، ރަސަލް ބެރީ ފައުންޑޭޝަން (Russell Berrie Foundation)، އެންކޮރޭޖް ޗެރިޓެބަލް ފަންޑް އެންޑް ވިލިއަމް ރޯޒެންވަލްޑް ފެމިލީ ފަންޑް (Anchorage Charitable Fund and William Rosenwald Family Fund) އަދި ފެއަރބްރޫކް ފައުންޑޭޝަން (Fairbrook Foundation) ހިމެނެއެވެ.

މިބައިމީހުން އިސްލާމޮފޯބިއާ ފަތުރަނީ އެކިއެކި ޖަމާޢަތްތަކާއި، ސިޔާސީ ލީޑަރުންނާއި އަދި ފޮކްސް ނިއުސް ފަދަ ޚަބަރު ޗެނަލްތައް ބޭނުންކޮށްގެންކަމަށް ރިޕޯޓުގައި ބުނެފައިވެއެވެ. މި ހައްދުފަހަނައެޅި މަސައްކަތުގައި ޙަރަކާތްތެރިވާ ފަރާތްތަކުގެ ތެރޭގައި، އިޒްރޭލުގައި ދައުލަތެއް ބިނާކުރުމަށް ފައިސާ ޖަމާކުރާ ޔަހޫދީ ފައުންޑޭޝަންތައްވެސް ހިމެނެއެވެ. އެހީތެރިވެދޭ ހުރިހާ ޖަމާޢަތްތަކުގެ ތެރެއިން، ޑޯނަރސް ކެޕިޓަލް ފަންޑުވަނީ 2008 ގެ އިންތިޚާބުގައި 18 މިލިއަން އެމެރިކާ ޑޮލަރު 

މިކަމަށްޓަކައި ޚަރަދުކޮށްފައެވެ. މިގޮތުން، މުސްލިމުންނާ ދެކޮޅަށް 30 މިލިއަން ޑީވީޑީ ބަހައިފާވެއެވެ.

އެމެރިކާގައި އިސްލާމޮފޯބިއާގެ ނުބައިކަން ފަތުރަމުންދަނީ މިފަދަ ފާޅުކަންބޮޑު ގޮތެއްގައިކަމުގައި ވިޔަސް، މުސްލިމުން ގިނަ ޤައުމުތަކުގައި މިފަދަ ގޮތަކަށް ނުކުތުމަކީ ޙިކުމަތްތެރިގޮތް ކަމުގައެއް ނުވާނެއެވެ. އެހެންކަމުން، މިބައިމީހުންގެ ފިކުރުތައް ފަތުރަމުންދަނީ ފާޅުނޫން ގޮތެއްގައެވެ.

 މަސްހުނިކޮށެވެ. އަދި އެފިކުރުތައް ފެތުރުމަށްޓަކައި ބައެއްފަހަރު މުސްލިމުން ބޭނުންކުރެއެވެ. ޚާއްޞާކޮށް ދީނީ ތަޢުލީމު އުނގެނިގެން ތިބި މީހުންނެވެ.

 މުޖުތަމަޢުގައި އެބައެއްގެ ބަސްވިކޭ މީހުންނެވެ. މިގޮތުން، އިސްލާމީ މުޖުތަމަޢުތަކުގައި މުސްތަޝްރިޤުންގެ ރޯލު އަދާކުރާމީހުން މަދެއްނޫނެވެ. އަޅުގަނޑުމެންގެ ދިވެހިރާއްޖޭންވެސް މިމަންޒަރުތައްވަނީ ފެނިފައެވެ. އަދި މިއަދު ފެންނަމުން ފެންމަތިވަމުން މިދާ މަންޒަރުތަކުގެ ޙަޤީޤަތަކީ މިއީކަމުގައިވުންވެސް އެކަށީގެންވެއެވެ.