ﷲ އަށް ވަކީލް ކުރުމުގެ މަތިވެރިކަން

 ރަސޫލު ކަމަށް ދަޢްވާ ކުރި މީހެއް ކަމަށްވާ އަލްއަސްވަދުލް އަންސީ ކިޔާ މީހެއް އަބޫ މުސްލިމް (رحمه الله) ގެ ގާތުގައި އޭނާ އަކީ ރަސޫލާކަމަށް ޤަބޫލުކޮށް ހެކިވުމަށް ބުންޏެވެ.

 

 އަބޫ މުސްލިމް (رحمه الله) ވިދާޅުވިއެވެ. ” އަހަންނަކަށް އެއްވެސް އެއްޗެއް އަޑެއް ނީވެއެވެ.“ ތާބިޢީންގެ ތެރެއިން ހިމެނޭ ﷲ ގެ އައުލިޔާ ކަމަށްވާ އަބޫ މުސްލިމް އޭނާ އަށް ކާފަރުވިއެވެ. އެހެންކަމުން އަލް އަސްވަދު އަލިފާންގަނޑެއް ތައްޔާރު ކުރުމަށް ފަހު އަބޫ މުސްލިމް (رحمه الله) އެ އަލިފާންގަނޑަށް އެއްލާލިއެވެ.

އަބޫ މުސްލިމް (رحمه الله) އެހިނދު ވިދާޅުވިއެވެ. ”حسبنى الله ونعم الوكيل“ ”އަހަރެމެންނަށް ﷲ ފުދެއެވެ. އަދި ވަކީލު ކުރުމަށް އެއީ މޮޅުވެގެންވާ ފަރާތެކެވެ.“ (މިއީ އިބްރާހީމް (عليه السلام) ، އެކަލޭގެފާނު އަލިފާންގަނޑަށް އެއްލާލެވުނުހިނދު ވިދާޅުވެލެއްވި ދުޢާ އެވެ.) އެހެން ކަމުން ﷲ ތަޢާލާ އަލިފާން އެއީ ފިނި އެއްޗެއް ކަމުގައި ލެއްވެވިއެވެ. އަދި އޭނާ އަށް އެއަލިފާނަކީ ރައްކައުތެރި އެއްޗެއް ކަމުގައި ލެއްވެވިއެވެ.

އަދި ޢުމަރު (رضي الله عنه) އެނާގެ ގައިގާ ބައްދާލުމަށް ފަހު ވިދާޅުވިއެވެ. ”އޭ ﷲ ގެ ޚަލީލް އެވެ.! މަރްޙަބާއެވެ!

 (އެފަދައިން ނިސްބަތް ކުރެއްވީ ﷲ ގެ ޚަލީލް ކަމަށްވާ އިބްރާހީމް (عليه السلام) ފަދައިން ޢަމަލު ކުރެއްވުމުންނެވެ.“ އަދި އެކަލޭގެފާނު ވިދާޅުވިއެވެ. ”ﷲ އަށް ބިރުވެތިވި މީހާ ހަމަކަށަވަރުން ﷲ ދެނެގެންފިއެވެ. 

  އަދި ﷲ އަށް އުރެދި ހައްދުފަހަނަ އަޅާދިޔަ މީހާ ﷲ ގެ ނިޢްމަތްތަކަށް ﷲ އާއި ﷲ ގެ އައުލިޔާއިންނާއި ދެކޮޅަށްވެސް ހައްދުފަހަނައަޅާ ދިޔައީއެވެ.“