ތިން ހިނިތުންވުމާއި ތިން ރުއިން

އަބޫ އަލް ދަރްދާ (رضي الله عنه) ގެ އަރިހުން ރިވާވެގެންވެއެވެ. އެކަލޭގެފާނު ވިދާޅުވިއެވެ. - ތިން ކަމެއް ތިމަން ހިނިތުން ކުރުވައެވެ. އަދި ތިން ކަމަކުން ތިމަނައަށް ރޮވެއެވެ.

ތިމަން އެކަމަކުން ހިނިތުން ކުރުވާ ތިން ކަމަކީ:

- މީހާގެ ފަހަތުން މަރު އަންނަ ހިނދުގައިވެސް މީހަކު އޭނާގެ ހުރިހާ އުންމީދެއް މި ދުނިޔަވީ ޙަޔާތަށްޓަކައި ކުރުމެވެ.

- މީހާ ގެ ވެރިރައްބު އޭނާއާއި މެދު ޣާފިލުވެވޮޑިގެންނުވާ ހިނދު، މީހަކު އޭނާގެ ރައްބާއި މެދު ޣާފިލުވުމެވެ.

- މީހަކު, އޭނާއަށްވަނީ ﷲގެ ރުއްސެވުން ނުވަތަ ކޯފާވެވޮޑިގަތުންކަން ޔަޤީން ނުވާހިނދުގައިވެސް، އޭނާ އަބަދާއިއަބަދު ހުނުމެވެ.

ތިމަން އެކަމަކުން ރޮއްވާ ތިން ކަމަކީ:

- ލޮބުވެތި ނަބީ (صلى الله عليه وسلم) އަދި އެކަލޭގެފާނުގެ ޞަޙާބީންނާއި، އަހަރެން ވަކިވެފައިވާތީއެވެ.

- މަރުގެ ވަޤުތު ގެ ބިރުވެރިކަމެވެ.

- ހުރިހާ ސިއްރެއް ފާޅުކުރައްވާ ދުވަހުގައި، އަދި އަހަރެންނަށް އަހަރެންގެ މަންޒިލަކީ ޖަންނަތު ނުވަތަ ޖަހަންނަމަކަން ނޭނގޭ ހިނދުގައި ﷲ عز وجل ކުރިފުޅުމަތީގައި ކޮޅައްހުންނަންޖެހުމެވެ.