12:39 PM
ވިލިމާލޭ ގަބުރުސްތާނުގެ މަހާނައެއް ކޮނެފައިވާތީ އެ މައްސަލަ ފުލުހުން ތަހުގީގު ކުރަން ފަށައިފި އެވެ
ފުލުސް އޮފީހުން ބުނި ގޮތުގައި ވިލިމާލޭ ގަބުރުސްތާނުގައި މީހަކު ވަޅުލާފައި އޮތް ތަން ބަޔަކު ނުވަތަ މީހަކު ވަނީ ކޮނެފަ އެވެ. އެހެންކަމުން އެ ސަރަހައްދު މިއަދު ހެނދުނުން ފެށިގެން ފުލުހުން ބަލަހައްޓައި، މައްސަލަ ތަހުގީގު ކުރަމުން އަންނަ ކަމަށް ފުލުހުން ބުނެ އެވެ.
ފުލުސް އޮފީހުން ބުނީ ފުންކޮށް މަހާނަ ކޮނެފައި ވިޔަސް ގަބުރަށް ގެއްލުމެއް ދީފައި ނުވާ ކަމަށެވެ. ފޮޓޯތަކުން ފެންނަނީ ސަންދޯކާ ހަމައަށް ކޮނެފައިވާ ތަނެވެ. އަދި މަހާނަ އޮތް ސަރަހައްދުގައި ގަސް ހެދިފައި ހުރުމުން އެއީ ފަހުން ވަޅުލާފައި އޮތް މައްޔިތެއް ނޫން ކަން ލަފާކުރެވެ އެވެ.
މަހާނަ ކޮނެފައިވަނީ ކޮން އިރަކު ކަމެއް އަދި ނޭނގެ އެވެ. އެކަމަކު ފުލުހުންނަށް އެކަމުގެ ރިޕޯޓް ލިބިގެން ގަބުރުސްތާނު ސަރަހައްދަށް ދިޔައީ މިއަދު ހެނދުނު ކަމަށް ފުލުހުން ބުނެ އެވެ.
0 comments:
Post a Comment