"ފުލުހުން އަޅުގަނޑުކައިރީގައި ތައުބާވާނީ ކިހިނެތްތޯ ސުވާލުކުރި" ޝައިޚް އިލްޔާސް

ސާކްސަމިޓާއި އެކު ރަސްމީގޮތުން ބުދުތައް މިރާއްޖެއަށް ގެނެސް، ފާޅުކަން ބޮޑު ގޮތެއްގައި ބުދުތައް ބެހެއްޓުނު އެ ނުބައިވެގެންވާ ޝިރްކުގެ ޢަމަލުގެ ތެރޭގައި ނޭނގި ނަމަވެސް އަދި އެނގިގެން ނަމަވެސް އެ ދާއިރާގެ ތެރޭގައި ހިމެނުނު ބައެއް ފުލުހުން ޝައިޚްގެ ކައިރިން ތައުބާވާނީ ކިހިނެތްތޯ ސުވާލުކުރިކަމަށް ޝައިޚް ދެންނެވީ އާރޓިފިޝަލް ބީޗްގައި އޮތް

ދަރުސްގައެވެ. ގިނަ ޢަދަދެއްގެ އަޚުންނާއި އުޚްތުން އެއްވި މިދަރުސްގައި ޝައިޚްގެ މައުޟޫއަކީ "ޙައްޤު ބަސް" މިމައުޟޫއެވެ.

ދިވެހި ފުލުހުން އެބުތައް އުފުލާ އެބަހައްޓާ އެއަށް ޙިމާޔަތްދީ އެވަށާ ފާރަވެރިވެ ތިބި ކަމީ ދިވެހި ހުރިހާ ރައްޔިތުން ދަންނަ ކަމެއްކަން އެއީ ކުޑަވެސް ޝައްކެއް އޮތްކަމެއް ނޫނެވެ. އަދި އެކަމާ ދިވެހިރާއްޖޭގެ އެތަކެއް ޢިލްމުވެރިންނެއް އެކަންތަކުގެ ނުބައިކަން ހާމަކޮށްދެއްވާފައިވެއެވެ.

 އަދި ވިލިގިލީގައި ބޭއްވުނު ޝައިޚް އިލްޔާސް ހުސެއިންގެ ދަރުސްގައި ފުލުހުންނަށް އެކުރެވުނީ ކިހާވަރެއްގެ ކަމެއްކަން ބަޔާންކޮށްދިނެވެ. އަދި އެ ޢަމަލުގެ ނުބައިކަމާއި އެފަދަ ޝިރްކުގެ ޢަމަލުތަކަށް އެއްވެސް މަޚްލޫޤަކަށް ކިޔަމަންވުމެއް ނުވާކަން ޝައިޚް އެދަރުސްގައިވެސް ވަނީ ތަކުރާރުކޮށް ދަންނަވާފައެވެ.