ނަބިއްޔާއަށް ފުރައްސާރަކުރި ނޫސްމަޖައްލާގެ އިދާރާ ގޮއްވާލައިފި

ފަރަންސޭސިވިލާތުގައި އިސްލާމްދީނަށާއި މާތް ނަބިއްޔާ محمد صلى الله عليه وسلم އަށް ނިސްބަތްކޮށް ފުރައްސާރަކުރުމާއި އިސްލާމްދީނުގެ ޝިޢާރުތަކަށް މަލާމާތްރައްދުކުރުމުގައާއި ފެތުރުމުގައި  ހައްދުފަހަނައަޅާފައިވާ ނޫހެއްކަމުގައިވާ ޗާރލީ ހެބްޑޯ ނޫހުގެ މައި މަރުކަޒަށް މިއަދު ވަރުގަދަ ބޮމުގެ ޙަމަލާއެއްދީފިއެވެ. 


މިކަންތައް ހިނގާފައިވަނީ ތޫނިސް އިންތިޚާބު އިސްލާމީ ނަހްޟާ ޕާރޓީން ކާމިޔާބު ކުރާނެކަމުގެ ޔަޤީންކަން ލިބުމާއިގުޅިގެން މިދައްޖާލުންގެ ބައިގަނޑަށް ޙަޖަމްނުކުރެވިގެން އެކަމުގެ އުފަލުގައިކަމަށްބުނެ މިއަދުގެ ޢަދަދުގައި މާތްވެގެންވާ އިސްލާމްދީނަށާއި މިދީނުގެ ޤިޔާމްތަކަށް ފާޅުގައި ފުރައްސާރަކުރާނެކަމަށް މިދިޔަ ހަފްތާގައި އަންގާ އިއުލާން ކޮށްފައިވަނިކޮށެވެ. ޕެރިހުގެ ފުލުހުން ހާމަކުރިގޮތުގައި ބޮމުގެ ހަމަލާގައި ރޯވި އަލިފާންގަޑު ނިއްވުމުގައި ގަޑިއަަަކަށްވުރެން ގިނައިރު ސިފައިންއިވަނީ ހަރަކާތްތެރިވެފައެވެ. 

މިޙަމަލާގެ ސަބަބުން އެއިދާރާގައި ތެރޭގައިވާ ހުރިހާ މެޝިނަރީތަކާއި މަޢުލުމާތުފޯރުކޮށްދޭ ވަޞީލަތްތައް ބޭނުން ނުކުރެވޭ ވަރަށްވަނީ ހަލާކުވެފައެވެ. ޑެންމާކުގައި 2005 ވަނައަހަރު މާތްނަބިއްޔާ  محمد صلى الله عليه وسلم އަށް ނިސްބަތްކޮށް މަލްޢޫނުން ކުރެހި ކާޓޫންތައް ނަކަލްކޮށް ފްރާންސްގެ މިނުބައި ޝައިޠާނީ ނޫސްވެރިން 2006 ވަނައަހަރު އިސްލާމްދިނަށާއި މާތްނަބިއްޔާއަށް ނިސްބަތްކޮށް ކާޓޫންކުރެހުމުން އީމާންތެރިކަމުގެ އަހުލުވެރިން އެތަނުގެ ކޯޓުތަކުގައި ޓަކިޖަހާ މަގުމައްޗަށްނިކުމެ ކުރެވެން ހުރި ހުރިހާކަމެއް ކުރުމުން ފްރާންސްގެ ކޯޓުން އެފަހަރު އަމުރުނެރުނީ އެއީ މައްސަލައްނޫންކަމަށާއި އެއީ އާއްމު ނޫސްވެރިކަމުގެ ލިބިދޭ މިނިވަންކަމެއް ކަމަށެވެ. انا لله و انا اليه راجعون.

ނަބިއްޔާ (صلى الله عليه وسلم) އަށް ފުރައްސާރަކުރުމަކީ އިސްލާމްދީނުގައި ކަނޑައެޅިގެން ޙަރާމް އަދި މުސްލިމަކު ނަމަ ދީނުން ބޭރުވެ މުރުތައްދުވާ ފަދަ ކަމެކެވެ. މިފަދަ ބަރަކާތްތެރި ޙަމަލާތަކުން ދީނަށް ލޯބިކުރާ ދިވެހިން ޢިބްރަތް ޙާޞިލްކުރަމާތޯ!

މިއިދާރާއިން މިދިޔަ ބުދަދުވަހު ޢަރަބި ދުނިޔޭގެ އިންޤިލާބުތަކަށް “ޚާއްޞަކޮށްގެން” ނެރުނު ޢަދަދުގެ ގެސްޓު “އެޑިޓަރު” ގެ ނަމަކަށް ޖަހާފައިވަނީ ނަބިއްޔާ މުޙައްމަދު (صلى الله عليه وسلم) ގެ ނަންފުޅެވެ. އަދި މަޖައްލާގެ ކަވަރުގައި “ހީ ހީ ގޮސް ކަލޭ މަރުނުވެއްޖެއްޔާ 100 އެތިފަހަރުން ހައްދުޖަހާނަން.” މިޢިބާރާތް ވިދާޅުވާކަމަށް އެކަލޭގެފާނަށް ނިޞްބަތްކޮށް ހުތުރު ކާޓޫނެއް ކުރަހާ މަލާމާތްކޮށްފައި ވެއެވެ. نعوذ باالله من ذالك.

ފުރައްސާރަ ކުރާނެގޮތެއް ނޭނގިގެން، މިނެރުނު ޢަދަދުގެ ނަމަށްވެސް ބަދަލު ގެނެސްފައިވެއެވެ. އެގޮތުން ޗާލީ ހެބްޑޯގެ ނަން، ޗާލީ (ޝަރީޢާ) ހެބްޑޯއަށް ބަދަލުކުރެވިފައިވާ ކަމަށް ޚަބަރުތަކުން ބުނެއެވެ. މިފަދަ ނުބައި ޣައްދާރުންތަކަކާ ދެކޮޅަށް މި ބަރަކާތްތެރި ޙަމަލާ ދީފައިވަނީ ދަންވަރު 1 ޖެހިއިރުކަމަށް އޮފިޝަލުން ހާމަކުރެއެވެ. މި ޙަމަލާގެ އިތުރުން، ތަނުގެ ވެބްސައިޓަށްވެސް ޙަމަލާއެއްދީ ވެބްސައިޓު ޑައުންކޮއްލާފައި ވެއެވެ.

2005 ވަނަ އަހަރު ޑެންމާކުގެ މީހަކު ނަބިއްޔާ (صلى الله عليه وسلم) އަށް ފުރައްސާރަކޮށް ކުރެހި ކާޓޫނުތައް އަލުން ޕްރިންޓުކުރި މައްސަލާގައި ޗާލީ ހެބްޑޯގެ މައްޗަށް މުސްލިމު ދެ ޖަމްޢިއްޔާއަކުން އުފުލި ދަޢުވާތައް، ފަރަންސޭސީންގެ ކޯޓުންވަނީ ޤަބޫލުނުކޮށް ދޫކޮށްލާފައެވެ.