އެމެރިކާގައި އުޅޭތީޢިރާޤުގެ އަންހެނަކަށް އެމެރިކާ މީހުން ތަޅާ އަނިޔާކޮށް މަރާލާފި

 ޔަހޫދީން ހިމާޔަތްކުރާ ޑިމޮކްރަސީގެ ބައްޕަކަމަށް ބުނާ އެމެރިކާ އެގައުމުގައިއުޅޭ އުޅޭ އިސްލާމުންނާ ދެކޮޅަށް ޓެރަރިސްޓްހަމަލާތައް ދޭއިރު މުސްލިމް ގައުމުތަކުގަ އުޅޭ އެމެރިކާމީހުނަށް ޓެރަރިސްޓް ހަމަލާދޭތޯ ވަރުގަދައަށް  ބަލާ ހިމާޔަތް  މުސްލިމް ސަރުކާރުތަކުންއެމީހުނަށް ދެއެވެ.



 އެމެރިކާގެ ކެލިފޯނިއާގައި ދިރިއުޅެމުންގެންދިޔަ ޢިރާޤު އަންހެނެއްގެ ގައިގައި ތަޅައި އަނިޔާކުރުމުގެ ސަބަބުން އޭނާ މަރުވެއްޖެކަމަށް އެމެރިކާގެ ބައެއް ޚަބަރުފަތުރާ ވަޞީލަތްތަކުން ހާމަކޮށްފިއެވެ.

ޢުމުރުން 32 އަހަރުގެ އަންހެންމީހާ މަރުވީ އޭނާއަށް ލިބިފައިވާ ޒަޚަމްތަކަށް ހޮސްޕިޓަލުގައި ފަރުވާ ދެމުންދަނިކޮށްކަމަށް އޮފިޝަލުން ހާމަކުރެއެވެ. ސެންޑިއޭގޯގައި ހުންނަ އެމެރިކަން އިސްލާމިކް ރިލޭޝަންސްކައުންސިލްގެ ޑިރެކްޓަރު ޙަނީފް މުޙަބީ ހާމަކުރިގޮތުގައި 5 ކުދިންގެ މަންމައެއްކަމަށްވާ ޝައިމާ އަލް އަވާދީއަށް ދިންޙަމަލާގައި އޭނާ މަރުވީ މިދިޔަ ހޮނިހިރު ދުވަހުކަމަށާއި ޝައިމާ ގައިގައި ތަޅާ ހޭނެތިފައި އޮއްވާ ފެނުނީ މިދިޔަ ބުދަ ދުވަހު އޭނާގެ 17 އަހަރުވީ އަންހެން ދަރިއަކަށްކަމަށެވެ.

ޝައިމާގެ އަންހެންދަރިފުޅު ހާމަކޮށްފައިވާގޮތުގައި އޭނާގެ މަންމަގެ ގައިގައި ތަޅާ އަނިޔާކޮށްފައިވަނީ ދަނގަޑު އެއްޗަކުންކަމަށާއި އަނިޔާކުރިމީހުން މަންމަގެ ކައިރީގައި ނޯޓެއް ލިޔެފައި އޮތެވެ. އެނޯޓުގައިވަނީ "ކަލޭ ކަލޭގެ ރަށަށް ދޭ. ކަލެއަކީ ޓެރަރިސްޓެއް" މިހެންނެވެ. ފުލުހުން ހާމަކޮށްފައިވާގޮތުގައި ހަމައެފަދަ ލިޔުމެއް އެގެއިން މި މަހުގެ ކުރީކޮޅު ފެނިފައިވާކަމަށް ޢާއިލާއިން ބުނެފައިވާކަމަށާއި ނަމަވެސް ޢާއިލާއިން އެކަން ފުލުހުންނަށް ރިޕޯޓުކޮށްފައިނުވާކަމަށެވެ.

"މީގެ ހަފުތާއެއް ކުރިން ލިބުނީ ސިޓީއެއް. އޭގައި އޮންނަނީ މިއީ އަހަރެމެންގެން ގައުމޭ، ކަލޭމެންނަކީ ޓެރަރިސްޓުންނޭ. އެއީ ސަރަކާތްޖަހަން އުޅޭ ކުޑަ ކުދިން ބިރު ދައްކަން ކުރާ ކަމެއް ކަމަށް ހީކޮށް މަންމަ އެ ސިޓީއަށް އަޅައެއް ނުލައި. އެކަމަކު މަންމަ އަށް އަނިޔާކޮށްފައި ދަމުން ވެސް ހަމަ އޭގެ ސިޓީއެއް ކައިރީގައި ބާއްވާފައި އޮތް،" މަރުވި މީހާގެ އަންހެން ދަރިފުޅު ކޭޖީޓީވީ އަށް ދިން އިންޓަވިއުއެއްގައި ބުންޏެވެ.
ބައެއް ރިޕޯޓްތައް ބުނާ ގޮތުގައި، މަރުވި އަންހެން މީހާ އާއި އޭނާގެ އާއިލާ އެމެރިކާ އަށް ބަދަލުވެފައި ވަނީ 1990ގެ މެދުތެރޭގަ އެވެ. --އޭއެފްޕީ