ﷲގެ ފޮތުން... ޙައްޤު ގޮތް ވަނީ އެނގި ފާޅުވެގެންނެވެ.

ދީނަށް އުޅޭ މީހުންނަށް ކުރެވެމުންދާ މަލާމާތާއި ފުރައްސާރައަކީ އެމީހުން ޙައްޤު ގޮތުގައި ތިބި ކަމުގެ ދަލީލެއް. ﷲގެ ފޮތުން އިތުރު ތަފްޞީލު......


ސޫރަތުލް މުޠައްފިފީންގެ 29 ވަނަ އާޔަތުން ފެށިގެން ނިޔަލަށް.

83:29 إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ
މާނައީ: "ހަމަކަށަވަރުން، ކުށްވެރި، ފާފަވެރިން (ދުނިޔޭގައި) إيمان ވި މީހުންނާ ދިމާޔަށް (މަލާމާތުގެގޮތުން) ހީނއުޅޭ ކަމުގައިވޫއެވެ."

83:30 وَإِذَا مَرُّوا بِهِمْ يَتَغَامَزُونَ
މާނައީ: "އަދި އެއުރެން އެ مؤمن ންގެ ކައިރިންދާހިނދު، ލޮލުގެ إشارة ން ފުރައްސާރަ ކުރެތެވެ."

83:31 وَإِذَا انقَلَبُوا إِلَىٰ أَهْلِهِمُ انقَلَبُوا فَكِهِينَ
މާނައީ: "އަދި އެއުރެންގެ أهل ވެރިންގެގާތަށް އެނބުރިދާހިނދު، ހީނސަމާސާ ކުރަމުންދެއެވެ."

83:32 وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ
މާނައީ: "އަދި އެއުރެން مؤمن ން ދެކޭހިނދު ބުނެތެވެ. ހަމަކަށަވަރުން، މިބައިމީހުންނީ، މަގު ގެއްލިފައިވާ ބަޔެއްކަން ކަށަވަރެވެ."

83:33 وَمَا أُرْسِلُوا عَلَيْهِمْ حَافِظِينَ
މާނައީ: "އަދި مؤمن ންގެ މައްޗަށް ރައްކާތެރިވެ، ބަލަހައްޓާ ބަޔަކު ކަމުގައި އެ كافر ން ފޮނުއްވާފައެއް ނުވެއެވެ."

83:34 فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ
މާނައީ: "ފަހެ، إيمان ވި މީހުން މިއަދު (އެބަހީ: އާޚިރަތް ދުވަހުން) كافر ންނާ ދިމާޔަށް ހޭނެތެވެ."

83:35 عَلَى الْأَرَائِكِ يَنظُرُونَ
މާނައީ: "ދާންތަކުގެ މަތީގައި (نعمة ތަކަށް) ބަލަބަލައެވެ."

83:36 هَلْ ثُوِّبَ الْكُفَّارُ مَا كَانُوا يَفْعَلُونَ
މާނައީ: "كافر ންނަށް އެއުރެން ކޮށްއުޅުނު ކަންތަކަށް ޖަޒާ ލިބިއްޖެ ހެއްޔެވެ؟"
------------------------------
މަތީގައި ބަޔާން ކުރެވުނު އާޔަތް ތަކުން ޙައްޤު ގޮތުގައި ތިބި މީހުންނަށް ބާޠިލު ގޮތުގައި ތިބި މީހުން މަލާމާތް ކޮށް ފުރައްސާރަ ކުރާނެކަން ވަރަށް ރަނގަޅަށްވެސް އެނގިގެން ހިނގައްޖެއެވެ. އަހަރުމެންގެ މި ދިވެހި މުޖުތަމަޢުން މިއަދު ފެންނަމުން މިދަނީ ހަމަ މިމަންޒަރެވެ.

اللَّهُ لَا إِلَٰهَ إِلَّا هُوَ ۚ لَيَجْمَعَنَّكُمْ إِلَىٰ يَوْمِ الْقِيَامَةِ لَا رَيْبَ فِيهِ ۗ وَمَنْ أَصْدَقُ مِنَ اللَّهِ حَدِيثًا (النساء 4:87)
މާނައީ: "اللَّه އީ، އެإله ފިޔަވައި (حق ވެގެން އަޅުކަމެއްވެވޭ) إله ކުނުވާ إلهވެ. قيامة ދުވަހުން، އެإله ތިޔަބައިމީހުން އެއްކުރައްވާނެކަން ކަށަވަރެވެ. އެކަމާމެދަކު شك އެއް ނެތެވެ. ބަސްބުނުމުގައި اللَّه އަށްވުރެ ތެދުވެރިކަންބޮޑީ ކާކުހެއްޔެވެ؟"