ކަންދަހާރުގެ ޤާތިލް، ޤަތްލުއާންމު ހިންގިކަމުގެ ހަނދާނެއްނެތް

ކެންސަސް(މާޗް 26): އަފްޣާނިސްތާނުގެ ދެކުނުގެ ކަންދަހާރުގެ ގެތަކަށް ރޭގަނޑު ވަދެ އަފްޣާން ކުޑަ ކުދިންނާއި އަންހެނުންގެ ގަޔަށް ބަޑިޖަހައި17 މީހުން މަރާލި ޤަތުލުޢާންމު ހިންގި އެމެރިކާ ސިފައިންގެ މީހާ އެކަން ކުރިކަމުގެ ހަނދާން މިހާރުނެތް ކަމަށް އޭނާގެ ވަކީލު ޖޯންހެންރީ ވިދާޅުވެއްޖެ އެވެ.


ސީބީއެސް ނެޓްވާކަށް ދެއްވި ބަސްދީގަތުމެއްގައި ކަންދަހާރުގެ ޤާތިލް ރޮބަޓް ބީލްޒްގެ ވަކީލު ހެންރީ ވިދާޅުވީ ބީލްޒް ހަނދާން ހުރީ ކަންދަހާރުގެ ގެތަކަށް ވަދެ މީހުންތައް މެރުމުގެ ކުޑަތަންކޮޅެއްގެ ކުރީގެ ހަނދާންތަކާއި ޤަތްލުއާންމު ހިންގުމަށް ފަހު ކަންތައް ވެގެންދިޔަ ގޮތުގެ ހަނދާންތައް ކަމުގަ އެވެ.

ބީލްޒްގެ މައްޗަށް ކުރެވިފައި ވަނީ މާޗް 11 ވަނަ ދުވަހުގެރޭ ހަތިޔާރު ހިފައިގެން ކަންދަހާރުގެ ޕަންޖްވާއި ޢަސްކަރީ ބޭހުން ނުކުމެ ޕަންޖްވާއި ވިލެޖްގެ ގެތަކަށް ވަދެ އަފްޣާން ކުޑަކުދިންނާއި އަންހެނުންގެ ގަޔަށް ބަޑިޖަހައި17 މީހުން މަރާލައި އޭގެތެރެއިން ބައެއް މީހުންގެ ހަށިތައް އެންދިކަމުގެ ތުހުމަތެވެ. މިޤަތްލުއާންމު ހިންގި ވަގުތު ބީލްޒް ހުރީ ބަނގުރާބޮއިގެން ކަމަށް ވިޔަސް އޭނާ ހުރީ މަސްތުވެފައިވާ ޙާލަތުގައިނޫން ކަމަށް އޭނާގެ ވަކީލު ހެންރީ ވިދާޅުވި އެވެ.

ބީލްޒް ބަޑިހިފައިގެން ކަންދަހާރުގެ ގެތަކަށް ވަދެ އަފްޣާންކުޑަކުދިންނާއި އަންހެނުންގެ ގަޔަށް ބަޑިޖަހައިޤަތްލު ޢާންމު ހިންގުމުގެ ކުރިން އެމެރިކާ ސިފައިންގެ ބަޔަކު އަފްޣާން ދެއަންހެނެއްގެ ޢިޢްފަތްތެރިކަމަށް އަރައިގަނެ އެ ދެ މީހުން ރޭޕްކޮށްފައިވާ ކަން ވެސްވަނީ ހާމަވެފަ އެވެ. ބީލްޒްއާއެކު ޙަރަކާތްތެރިވި އެމެރިކާ ސިފައިންގެ ބަޔަކު އެވިލެޖްގެ ބައެއް ގެތަކުންއަންހެނުންތަކެއް އަތުލައިގަނެ އެމީހުންގެ ހެދުންގަދަކަމުންބާލައި ޖިންސީ ގޮތުން ގޯނާކޮށްފައިވާ ކަމަށް މަންޒަރު ދުށް މީހުންބުނެފައިވާ އިރު ބީލްޒް ހިންގި ޤަތްލުޢާންމަށް މަގުފަހިކޮށް ދިނުމުގައި އެމެރިކާސިފައިންގެ އިތުރު ބަޔަކު ބައިވެރިވިކަން ވެސް ވަނީ ހާމަވެފަ އެވެ.

ކަންދަހާރުގެ ގެތަކަށް ވަދެ ބީލްޒް ހިންގި ޤަތްލުޢާންމުގައި 17 މީހަކު މަރާލާފައިވާ އިރު މީގެ ތެރޭގައި ތުއްތު ހަތް ކުދިންނާއި ފަސް އަންހެނުން ހިމެނެ އެވެ. ކަންދަހާރުގެ ޤަތްލުއާންމު ހިންގި އެމެރިކާސިފައިން މީހާ ރޮބަޓް ބީލްޒް މިހާރުވަނީ ހައްޔަރުކޮށްގެން އެމެރިކާއަށް ގެންގޮސް އެމެރިކާގެ ކެންސަސް ސްޓޭޓްގެ ޕޯޓްލިވެންވޯތް ޢަސްކަރީ ޖަލުގައި ހައްޔަރުކޮށްފަ އެވެ. ބީލްޒްގެ މައްޗަށް އަފްޣާން ކޯޓުތަކުގައި ޝަރީޢަތް ހިންގުމަށް އެމެރިކާ ވަނީ ދެކޮޅުހަދާފަ އެވެ.

އަފްޣާނިސްތާނުގެ ކުޑަކުދިންނާއި އަންހެނުންނާ ދެކޮޅަށް މިބާވަތުގެ އެތައް ޤަތްލުއާންމެއް ފާއިތުވި 10 ވަރަކަށް އަހަރުތެރޭގައި އެމެރިކާސިފައިން ހިންގާފައިވާއިރު މިޖަރީމާތައް ހިންގި އެމެރިކާސިފައިންގެ އެކަކަށް ވެސް ބޮޑު އަދަބެއްލިބިފައެއްނުވެ އެވެ. ޢިރާޤުގެ އަލްޙުދައިޘާގެ ގެތަކަށްވަދެ 24 މީހުން މަރާލި ބިރުވެރި ޤަތްލުޢާންމު ހިންގި އެމެރިކާ ސިފައިންގެ މީހާގެ މައްޗަށް ކުށްސާބިތުވުމުން ވެސް އެމެރިކާގެ ޢަސްކަރީ ކޯޓަކުން މިދިޔަ ޖަނަވަރީ މަހު އެމީހާގެ މައްޗަށް ޙުކުމްކޮށްފައި ވަނީ އެންމެ ތިން މަސް ދުވަހަށް ޖަލަށް ލުމަށެވެ. (ނޫސްއެޖެންސީތައް) 
މުސްލިމުންނަށް މިފަދަޓެރަރިސްޓް ހަމަލާތައްދީ މުސްލިމުން ކަތިލާއިރުވެސް އެމެރިކާގެ ދިފާއުގައި އަދުގެ ގިނަމުސްލިމްގައުމުތަކުގެ ވެރިން ސަރުކާރުތަކުން ހުންނަނީ އަމަށަކު ލޯތްބެއް ނޫނެވެ. މީވެސް މުސްލިމުން މިއަދު ވިސްނަނަވެއްޖެ ކަމެއް ނޫންބާއެވެ؟