حبُ الوَطَن

            ވަޠަންދެކެ ލޯބިވުން

ވަޠަންދެކެ ލޯބިވުމަކީ އޭގެ ޒާތުގައި ތަޢުރީފުކުރެވޭ އަދި ގޯސްކުުރެވޭ ކަމެއްނޫނެވެ.

އަދި ((حُب الوَطن مِن الإِيمَان)) "ވަޠަންދެކެ ލޯބިވުމީ އީމާންކަމުގެ ތެރެއިން ވާކަމެކެވެ." މިޙަދީޘްއަކީ މަވްޟޫޢު (ދޮގުހަދާފައިވާ) ޙަދީޘެކެވެ....

  ފަހެ ވަޠަންދެކެ ވާލޯބި ގޮވާލަނީ، ފާޅުގައި ޙަމަލާދީ، ހަތިޔާރުން ގަދަވެގަންނަން އަންނަ ޢަދުއްވުންގެ ކިބައިން ދިފާޢުކުރުން ކަމުގައިވާނަމަ އެއީ ހެޔޮވެގެންވާ ކަމެކެވެ. އެކަމަކު ވަޠަނީލޯބީ ގޮވާލަނީ އެއަށް އަޅުވެތިވެ، ވަޠަނުގެ މަގުގައި ދީން ޤުރުބާން ކޮށްލަން ކަމުގައިވާނަމަ އެހިނދުން އެކަމަކީ ޝައްކެއްނެތް ގޮތުގައި ބުދަށް އަޅުކަންކުރުމެވެ. (ޝިރުކު ކުރުމެވެ.)

  ފިތުރީ ގޮތުން ވަޠަންދެކެ ލޯބިވުމީ ތަޢުރީފު ލިބިގެންވާ މަލާމަތެއްވެސް ނުބައިކުރުމެއްވެސް ލިބިގެންވާ ޞިފައެއްނޫނެވެ. އެކަމަކު އެއީ އަނބިމީހާ ދެކެވާ ލޯބިފަދަކަމެކެވެ. (( فَإنَهـُم غَيْــر مَـلُوْمِـيْن)) "ފަހެ، ހަމަކަށަވަރުން އެމީހުންނަށް މަލާމާތް ލިބިގެނެއްނުވެއެވެ."

  އިންސާނާ ވަޠަނަށް މުރާލޯބި އެއީ އެއަށް މާތްކޮށް ހިތާއި އަޅުކަންކުރުމެއް ކަމަށް ބަދަލުކޮށްލަން ޝައިޠާނާ ވަސްވާސްދީ މަގުފުރައްދާލައެވެ.. މިއަދު މިކަން މިހެންވެ މީހުން ބުނާތަން އަހަރުމެންނަށް އެބަ ފެނެއެވެ.

  "އަހަރެންގެ ވަޠަން އަހަރެންނަށް ބުދެއް ހަދައިދީފިނަމަ....  އެބުދުގައި، ބޮސްދިނުމަށް އަހަރެން ގަޔާވަމޭ....." ނޫނީ މިހެން ބުނެއެވެ.                                                       "އޭ އަހަރެންގެ ވަޠަނާއެވެ! އަހަރެން ތިބާއާއި ބައްދަލުވީ މާޔޫސްކަމެއްގެ ފަހުގައޭ.... އަހަރެންނަށް ތިބާގެ ސަބަބުން ޒުވާންކަން ލިބުނު ކަހަލައޭ...."                                              "އަހަރެން ތިބާއާ ކުރިމަތިލަމޭ ކަޢުބާގެ ކުރީން.... އަހަރެން ޝަހާދަތްކިޔާ ތައުބާވާކަމުގައި ވާނަމަ...."

  ޢަޖާއިބެއް ފަދަ ކަމެކެވެ.... މީހާ ޝަހާދަތުގެ ދެކަލިމަ ކިޔާ ތައުބާވާއިރު، ކަޢުބަތުﷲއަށް ކުރިމަތިލުމުގެ ކުރިން އޭނާގެ ވަޠަނާއި ކުރިމަތިލާ ވާހަކައެވެ....

  އަދި އަހަރުމެންނަށް މިއަދު ފެންނަނީ ވަޠަނާއި ވަޠަނިއްޔަތުގެ ހިޔާދޭކުޑައިގެ ދަށަށް އެންމެން އެއްވެ އެއްބައިވުމަށް ގޮވާލާ ތަނެވެ. އެއީ މުސްލިމާއި ކާފަރު އެއްހަމެއްގައިވާ ޙާލުގައެވެ.... ޝާޢިރަކު މިފަދައިން ބުނައްޖައުމަށް ދާންދެނެވެ.

   "ހިނގާށޭ ޢަރަބީން އުއްމަތެއްގައި ހަނދާނޭ އަދި އޭގެ މަތީގައި އަހަރުމެންގެ ހަށިގަނޑުތައް ހިނގާށޭ ދީނެއް ހޯދަން، އަހަރުން އެއްބައިވަންތަ ކުރުވާނޭ ކުފުރަކަށް ސަލާމެވެ. އެއަށްފަހު ޖަހަންނަމައަށް މަރުޙަބާއެވެ....."

  ވަޠަނަށް އޮންނަ ލޯތްބާއި ގުޅުން މުސްލިމުމީހާއާއި ﷲ އާއި އެކަލާނގެ ރަސޫލާއަށް ހިޖުރަކުރުމަށް ހުރަހަކަށްވީ ކިތައްފަހަރުތޯއެވެ.... އަދި އޭނާ ﷲގެ ދީނަށް ދަޢުވަތު ދިނުމަށްޓަކައި ނިކުތުމާއި ދެމެދުއެވެ....

އަދި ނިކަމެތިކަމަށައި އަމާންދިނުމަށާއި އެއަށް ބަރޯސާވުމަށް ގޮވާލައެވެ.

((އައް ޝައިޚް ސަލްމާނުލް ޢަވްދާގެ "ނިދާއުލްފިޠުރާ" މިފޮތުން))