12:00 AM
ފިގުހުއެކަޑަމީގެ ފަތުވާގައި އާއްމުންގެ އަތުން ޓެކްސް ނެގިދާނެ ގޮތްތަކާއި އޭގެ ސަބަބު ހާމަ ކުރަށްވައިފިއެވެ.
އެފަތުވާގައި އާންމުންގެ އަތުން ޓެކްސް ނެގޭނީ އިތުރު އެހެން ގޮތެއް ނެތިގެން ކަމަށް އެކަޑަމީން ވަނީ ވިދާޅުވެފައެވެ.
މުސްލިމުންގެ މުދަލުން ޓެކްސް ނެގުމުގައި އިސްލާމީ ޝަރީއަތުގައި އެކަން އޮންނަ ގޮތުގެ ރައުޔު ހޯދުމަށް ފިގުހު އެކަޑަމީގެ ލަފަޔަށް އެދުމުން އެ މައްސަލަ ދިރާސާ ކުރުމަށް ފަހު އެ މައްސަލާގައި ފިގުހު އެކަޑަމީގެ ފަތުވާ މި މަހުގެ 22 ވަނަ ދުވަހު ނެރެފައިވާ ކަމަށް އިސްލާމިކް މިނިސްޓްރީން ވަނީ ވިދާޅުވެފައެވެ.
އެ ފަތުވާގައި ބުނެފައިވަނީ އާންމު ރައްޔިތުންގެ އަތުން ދައުލަތަށް ޓެކްސް ނެގޭނީ، ދައުލަތުގެ ބައިތުލް މާލުގައި ފުދޭމިންވަރަށް ފައިސާ ނެތި ޓެކްސް ނުނަގާވާނެ އެހެން އެއްވެސް ގޮތެއް ނެތުމުން ކަމުގައެވެ.
“މިގޮތުން އާއްމު ރައްޔިތުންގެ އަތުން ދައުލަތަށް ޓެކްސް ނެގޭނީ އެބައިމީހުންގެ ޒަރޫރީ ބޭނުންތައް ފުއްދައިދިނުމަށްޓަކައި، ޝަރޫރަތް ނިޔާކުރާ މިންވަރެއްގެ ތެރޭގައެވެ. އެއީ ދައުލަތުގެ ބައިތުލް މާލުގައި ފުދޭމިންވަރަށް ފައިސާނެތި، ޓެކްސް ނަގައިގެން މެނުވީ ހަރަދުތައް ފޫބެއްދޭނެ އެހެން އެއްވެސް ގޮތެއް ނެތުމުންނެވެ.،” ފިގްހު އެކަޑަމީގެ ފަތުވާގައި ބުނެފައި ވެއެވެ.
ޓެކްސް ނެގުމާއި މެދު ފިގުހު އެކަޑަމީގެ ރައުޔެއް ހޯދާފައިވަނީ އެ މައްސަލަ އަކީ އިލްމުވެރިންގެ މެދުގައި ހިޔާލު ތަފާތު ވެފައިވާ މައްސަލައެއް ކަމުގައި ވާތީއެވެ.
0 comments:
Post a Comment