إِلى الشَـــــبَاب المسْلم... މުސްލިމު ޒުވާނުންނަށް..

  "މުޙައްމަދު އިޤްބާލް" އަދުގެ މަދުރަސާތަކުން ކިޔަވައިގެން ނިކުންނަ އަދުގެގިނަ ޒުވާނުން ޞިފަކުރައްވަނީ:

   " ކިޔަވައިގެން ތިބި ޒުވާނުންނަކީ ހުސްވެފައިވާ ކަންވާރުތަކެކެވެ. ކަރުހިއްކައިގެންފައިވާ ދެތުންފަތާއި އޮމާންކޮށްފައިވާ މޫނެކެވެ. އަނދިރިވެގެންވާ ފުރާނައެކެވެ. ޚިޔާލުތައް މުއްސަނދި ހެޔޮވިސްނުން އުންޏެވެ.

ޔަޤީންކަން ބަލިކަށިވެފައި މާޔޫސްވުން އިތުރެވެ.... މިޒުވާނުން ފިރިހެނުންނާއި ވައްތަރުވިޔަކަސް އެއީ ޙަޤީޤީ ފިރިހެނުންނެއް ނޫނެވެ.

އެމީހުންގެ ނަފްސުތައް އިންކާރުކުރާ ޙާލުގައި އެހެންމީހުން ތެދުކުރެއެވެ. އަޖުނަބީން (ހުޅަނގުން) އިސްލާމީ ފަސްގަނޑުން ކަނީސާތަކާއި ފައްޅިތައް އެތިބަ ބިނާކޮށް ނަގަނީއެވެ.

   ހަމަކަށަވަރުން މަދަރުސާވަނީ އެމީހުންގެ ކިބައިންދީނީ ވިސްނުމާއި ޖަޒުބާތު ފިލުވާލައި މާޒީއާއި އެއްކޮށްލާފައެވެ. އެމީހުންނަކީ އެމީހުންގެ ނަފްސުތަކާއި މެދު އެންމެ ޖާހިލުމީހުންނެވެ. އަދި އެމީހުންގެ ޝަޚްޞިއްޔާތުވަންތަކަމުން އެމީހުން ދުރުވެގެންވާ މީހުންނެވެ.

ހުޅަނގުގެ ޙަޟާރާތްވަނީ އެމީހުންގެ ހިތްތަކުގެ އެންމެ ފުންމިނުން ޖާގަހޯދާފައެވެ. ދެން އެމީހުންގެ އަތްތައް ހުޅަނގުގެ ޞަދަޤާތްތަކާއި ދިމާއަށް ދިއްކޮށްލައެވެ. ދެން (އަގެއްނެތް) ޕާންފޮއްޗެއް ނަގާއި އޭގެ ބަދަލުގައި އެމިހުންގެ ފުރާނަތައް ވިއްކާލައެވެ.   ކިޔަވާދޭ މުޢައްލިމަށްވެސް އެމީހުންގެ އަގެއް ނޭނގެއެވެ. އަދި އެމީހުންގެ ޝަރަފާއި ބެހޭގޮތުން އެމީހުންނަކަށް ޚަބަރެއް ނުދެއެވެ. އަދި އެމީހުންނަކަށްވެސް އެމީހުންގެ ޝަޚްޞިއްޔަތުވަންތަ ކަމެއް ނޭނގެއެވެ.
   މުއުމިނުންނެވެ! އެކަމަކު އެމީހުންނަކަށް މަރުގެ ޙަޤީޤަތެއް ނޭނގެއެވެ. އަދި ﷲ ފިޔަވައި، ކަމަކަށް ގަދަވެވޮޑިގެންނެވޭނެ އެހެން ފަރާތެއް ނުވާކަމަށް އެމީހުންނެއް އީމާނެއް ނުވެއެވެ.   ހަމަކަށަވަރުން ފަރަންޖީން ހަނގުރާމައަކާއި ޙަމަލައަކާއި ނުލާ އެމީހުން ޤަތުލުކޮށްފިއެވެ.

ހަރުވެފައިވާ ސިކުނޑިތަކެކެވެ. އަދި ހަރު، ހިލަވެފައިވާ ހިތްތަކެވެ. ޙަރާމް އެއްޗަކުން ސަލާމަތެއްނުވާ ލޯތަކަކާއި، މުޞީބާތަކުން ޢިބުރަތް ނުލިބޭ ހިތްތަކެކެވެ. ޢިލްމާއި، ފަންނާއި، ދީނާއި، ސިޔާސަތާއި، ވިސްނުމާއި، ފިކުރާއި، ހިތާއި، އެމީހުންގެ މިހުރިހާ އެއްޗެއްމެ އެނބުރެނީ މާއްދިއްޔަތު ވަށައިގެންނެވެ.   އެމީހުންގެ ވިސްނުމާއި ފިކުރު ބަދަލުކޮށް އާކުރުމަކަށް ތަނެއްނުދެއެވެ.... އަދި އެމީހުންގެ ފިކުރުތަކަކީ އެއްވެސް އަގެއްހުރި އެއްޗެއް ނޫނެވެ.... އެމީހުންގެ ޙަޔާތަކީ ހަރުވެ ހުއްޓިފައިވާ ހަލާކުވެފައިވާ ޙަޔާތެކެވެ."

(("ނަހޫވަ އައްތަރުބިއްޔަތުލް އިސްލާމިއްޔާ އަލްޙުއްރަ" އަބުލް ޙަސަނުން ނަދަވީ މިފޮތުން))