ދެ ކަމެއްގެ ވާހަކަ

ޢަލީގެފާނު ވިދާޅުވި އެވެ. މުއުމިނެއްގެ މުޅި ޢުމުރުގައި  ދެމިނުހުންނާނެ ދެ ކަމެއް ވެ އެވެ. އެއީ، އޭނާގެ ޒުވާންކަމާއި،  އޭނާގެ ޖިސްމާނީ ބާރެވެ. އަދި ކޮންމެ މުއުމިނަކަށް އަބަދުވެސް ފައިދާކުރާނެ ދެ ކަމެއް ވެ އެވެ. އެއީ، އޭނާގެ ޚުލްޤު ހެޔޮކަމާއި، އޭނާގެ ބަނިޔާދަންކަމެވެ. އަދި ކޮންމެ މުއުމިނެއްގެ ޤަދަރު މަތިވެރިކޮށްލާނެ ދެ ކަމެއް ވެ އެވެ. އެއީ، ތަވާޟުޢުވެރިކަމާއި، އަނެކުންގެ މުހުތާދުތައް ފުއްދައިދިނުމެވެ. އަދި މުއުމިނުން މުޞީބާތްތަކުން ނަޖާވާނެ ދެ ކަމެއް ވެ އެވެ. އެއީ، ޞަދަޤާތްދިނުމާއި، ގާތްތިމާގެކަމުގެ ގުޅުން ދެމެހެއްޓުމެވެ.