ޑިމޮކްރަސީއަކީ އިސްލާމީ ޝަރީޢަތްތަށް ނައްތާލުމަށްޓަކާ ކާފަރުން ރާވަމުން ހިންގަމުން ފުޅާކުރަމުން ފެންދެމުން ދާ ދީނެކެއެވެ.

މިސްރުގައި ފުރަތަމަ ފަހަރަށް ބޭއްވި ޑިމޮކްރެޓިކް ވެރިކަން ފައިސާ އާއި ނުފޫޒު ބޭނުންކޮށްގެން އެމެރިކާއިން އެހީތެރިވެގެން ވައްޓާލާފައިވާތީ ޑިމޮކްރަސީ އޭ ކިޔައިގެން ވާހަކަ ދައްކަން އެމެރިކާ ލަދު ގަންނަން ޖެހޭނެއެވެ. ރާއްޖޭގައި ވެސް ވެރިކަމަށް ކުރިމަތިލުމަށް މަސަކައްކަތް ކުރާމީހުންނާއި ބައްދަލުކޮށް ވެރިކަން ލިބިއްޖެނަމަ ކަންތައް ކުރާނޭގޮތާއި ބެހޭގޮ ތުން މަޝްވަރާތައް ކުރަމުން ދާހެން ހީވެއެވެ.

މިސްރުގައި ދިމުގްރާތީ ގޮތުން އެންމެ ފުރަތަމަ އުފެދުނު ރައީސް ޑރ. މުޙައްމަދު މުރުސީގެ ވެރިކަން ވައްޓާލުމުގައި އެމެރިކާ އިން ފަރުދާ އިން ފުރަގަހުގައި ނުރައްކާތެރި ދައުރެއް އަދާކޮށްފައިވާކަން ބޭޒާރުވެއްޖެ އެވެ. 

މިކަމާބެހޭ ގޮތުން އަލްޖަޒީރާ އިން ތައްޔާރުކޮށް ނެރެފައިވާ ދިރާސާ ރިޕޯޓެއް ބުނާ ގޮތުން އިސްލާމީ ޚިޔާލާއި ފިކުރަށް ނިސްބަތްވާ ޑރ. މުރުސީގެ ވެރިކަމާ ދެކޮޅަށް މިސްރުގެ އިދިކޮޅު ފަރާތްތަކާއި އެގައުމުގެ ނަސާރާ ގިބްތީން ނެރުމުގައި އެމެރިކާ ވަނީ ޑިމޮކްރަސީ ޕްރޮމޯޓް ކުރުމުގެ ނަމުގައި ޙަރަކާތްތެރިވާ މިސްރުގެ މަދަނީ ޖަމްޢިއްޔާ ޖަމާއަތްތަކަށް ފައިސާ އާއި މަޝްވަރާދީފަ އެވެ. 

މުރުސީގެ ވެރިކަމުގެ އެއް އަހަރުގައި އޭނާގެ ވެރިކަމާދެކޮޅަށް މިސްރުގެ ލެބެރަލް ފިކުރުގެ އެކްޓިވިސްޓުންނާއި ވެރިކަމުގެ ދަހިވެތިކަމުގައި ޙަރަކާތްތެރިވި އިދިކޮޅު ލީޑަރުންގެ ފަހަތުގައި ތިބި މަދުފަރާތްތަކާ އަދި ނަސާރާ ޤިބްތީން ލައްވައި މުރުސީއާ ދެކޮޅަށް މުޒާހަރާތަކާއި އިޙްތިޖާޖްތައް ކުރުވުމަށް އެތަށް މިލިޔަނަކުން އެމެރިކާ ސަރުކާރުން ފައިސާ ޚަރަދުކޮށްފައިވާކަން އަލްޖަޒީރާ އިން ހާމަކޮށްފައިވާ އެމެރިކާގެ ރަސްމީ ލިޔެކިޔުންތަކުން ވަނީ ހާމަވެފަ އެވެ. 

މިލިޔެކިޔުންތައް ހޯދާފައި ވަނީ އެމެރިކާގެ "ރައިޓް ޓު އިންފޮމޭޝަން" ނުވަތަ މަޢްލޫމާތު ހޯދުމާއި ލިބިގަތުމުގެ ޙައްޤުގެ ޤާނޫނުގެ ދަށުންނެވެ. މިލިޔެކިޔުންތައް ބުނާ ގޮތުން މުރުސީގެ ވެރިކަމާމެދު މިސްރުގެ ރައްޔިތުންގެ މެދުގައި ރުޅިއާއި ނަފްރަތު އުފެއްދުމަށާއި މުރުސީގެ ވެރިކަމަކީ ނަސާރާ ގިބްތީންނަށް ބިރުހުރި ހަރުކަށި ޚިޔާލުގެ ވެރިކަމެއްކަން ދައްކައި އިދިކޮޅު ޕްރޮޕަގެންޑާ ޖެއްސުމަށް މިސްރުގެ މީޑިޔާގައި ޙަރަކާތްތެރިވާ ގިނަ ފަރާތްތަކަކަށް ވެސް އެމެރިކާ ވަނީ އެތައް މިލިޔަނަކުން ފައިސާ ޚަރަދުކޮށްފަ އެވެ.

މިފައިސާ ޚަރަދުކޮށްފައި ވަނީ ޑިމޮކްރަސީ ޕްރޮމޯޓް ކުރުމުގެ ނަމުގައި ޙަރަކާތްތެރިވާ މިސްރުގެ މަދަނީ ޖަމްޢިއްޔާ ޖަމާއަތްތައް މެދުވެރިކޮށްކަންވެސް މިލިޔެކިޔުންތަކުން ހާމަވާކަމަށް އަލްޖަޒީރާގެ ރިޕޯޓް ބުނެ އެވެ. މިރިޕޯޓަށް ކޮމެންޓް ކުރި އެމެރިކާގެ ޤާނޫނީ ބައެއް ތަޖްރިބާކާރުން ވަނީ އެމެރިކާ ހިންގާފައިވާ ފައިސާގެ މިމުޢާމަލާތްތަކަކީ މިސްރުގެ ޤާނޫނުތަކާ ޚިލާފުވުމުގެ އިތުރުން ޚުދު އެމެރިކާގެ ޤާނޫނުތަކާ ވެސް ޚިލާފު ޢަމަލުތަކެއްކަން ބަޔާންކުރައްވާފަ އެވެ. މިސްރުގެ ޤާނޫނުގައި ބޭރުގެ ފަރާތްތަކުން މިސްރުގައި ސިޔާސީ ބޭނުންތައް ޙާސިލްކުރުމަށް ފައިސާ ޚަރަދުކުރުމަކީ މަނާކަމެކެވެ. އަދި ބޭރުގެ މިފަދަ ފައިސާގައި ހިފުމަކީ މިސްރުގެ ސިޔާސީ ފަރާތްތަކަށާއި މަދަނީ ޖަމްޢިއްޔާ ޖަމާއަތްތަކުގެ އިތުރުން ކޮންމެ ރައްޔިތަކަށް ވެސް ކުރުން މަނާކަމެކެވެ. 

އަނެއްކޮޅުން އެމެރިކާގެ ޤާނޫނުތައް ބުނާގޮތުން ވެސް އެއްވެސް ގައުމެއްގައި ޑިމޮކްރެޓިކް ގޮތުން އިންތިޚާބުކޮށްފައިވާ ވެރިކަމުގެ ނިޒާމަކާ ދެކޮޅަށް ހިންގާ ހަރަކާތްތަކަށް އެހީވުމަށް އެމެރިކާ ސަރުކާރުގެ ފައިސާ ޚަރަދު ކުރުމަކީ މުޅިން މަނާކަމެކެވެ. މިގޮތުން އެމެރިކާގެ ރައްޔިތުން ޓެކްސްގެ ގޮތުގައި ސަރުކާރަށްދޭ ފައިސާ މިގޮތަށް ޚަރަދުކުރުމަކީ އެކަމުގައި ޒިންމާވާ އެމެރިކާގެ މަސްއޫލުވެރިންގެ މައްޗަށް ބޮޑެތި ޙުކުމްތަކެއް ކުރުމުގެ ޤާނޫނީ ހައިޘިއްޔަތު އޮތްކަމެއްކަން އެމެރިކާގެ ޤާނޫނީ ފަރާތްތަކުން ހާމަކޮށްފައިވެ އެވެ. 

ޑރ. މުރުސީގެ ވެރިކަމުގައި މިސްރުގެ ސަރުކާރާ ދެކޮޅަށް އިދިކޮޅު ފަރާތްތަކުން އިޙްތިޖާޖްތައް ކުރުމަށާއި ހަމަނުޖެހުންތައް ހިންގުމަށް ބޭރުގެ ގައުމުތަކުން ފައިސާ ހޯދައި އެފައިސާ ޚަރަދުކުރިކަން ސާބިތުވި މައްސަލައެއްގައި މިސްރުގެ މަދަނީ ޖަމްޢިއްޔާ ޖަމާއަތްތަކަށް ނިސްބަތްވާ 43 މީހެއްގެ މައްޗަށް މިސްރުގެ ކޯޓަކުން މިދިޔަ މަހުވަނީ ޙުކުމްތަކެއް ވެސް ކޮށްފަ އެވެ. އަދި މިމައްސަލައާގުޅުން ހުރި އެމެރިކާ އާއި ޔޫރަޕްގެ ބައެއްމީހުން މިސްރުން ޑީޕޯޓް ކުރުމަށް ވެސް މިސްރުގެ ކޯޓަކުން ހުކުމް ކޮށްފައިވެ އެވެ. 

މީގެއިތުރުން މުރުސީގެ ވެރިކަމުގައި ގަލްފުގެ މުއްސަނދި ބައެއް ޢަރަބި ގައުމުތައް ކަމަށްވާ ސައޫދީ އަރަބިޔާ އާއި ޔޫއޭއީ އާއި ކުވައިތު ފަދަ އެމެރިކާގެ ނުފޫޒުގެ ދަށުން ވިރާސީ ރަސްކަމުގެ ނިޒާމުތައް ދެމެހެއްޓުމަށް މަސައްކަތްކުރާ ޢަރަބި ގައުމުތަކުން ވެސް ވަނީ ޑރ. މުރުސީގެ ވެރިކަމުގެ ދުވަސްވަރު މިސްރަށް ކުރިމަތިވި އިޤްތިސާދީ ދަތިތަކުގައި މިސްރަށް މާލީގޮތުން އެހީތެރިވުމަށް ފަސްޖެހިފަ އެވެ. ގަލްފުގެ މުއްސަނދި ޢަރަބި ގައުމުތަކުގެ ތެރެއިން ޤަތަރުންނޫނީ މުރުސީގެ ދުވަސްވަރު މިސްރަށް އެހީތެރިވެފައެއްނުވެ އެވެ. ނަމަވެސް މުރުސީގެ ވެރިކަން ވައްޓާލުމަށް ފަހު ސިފައިން މިސްރުގައި މިހާރު އުފައްދާފައިވާ ވެރިކަމަށް ސައޫދީ އަރަބިޔާއާއި ޔޫއޭއީ އާއި ކުވައިތުންވަނީ ބިލިޔަނުން ފައިސާގެ އެހީތައް ދޭންފަށާފަ އެވެ. ސައޫދީން ފަސް ބިލިޔަން އެމެރިކާ ޑޮލަރު މިސްރަށް ދިނުމަށް ނިންމާފައިވާއިރު ޔޫއޭއީ ން ވަނީ ހަތް ބިލިޔަން ޑޮލަރު ދޭނެކަން ހާމަކޮށްފަ އެވެ. އަދި ކުވައިތުން ވަނީ މިސްރުގެ މަރުކަޒީ ބޭންކުގައި ތިން ބިލިޔަން ޑޮލަރު މިދިޔަ ހަފްތާގައި ބަހައްޓާފައި ކަމަށް ޚަބަރުލިބެ އެވެ. (އަލްޖަޒީރާ)

އަޅުގަނޑުމެން ދަންނަންޖެހޭނެ ހަޤީޤަތަކީ އިސްލާމްދީނާއި މި ދީނުގެ އަހުލުވެރިންގެ ޢަދުއްވުންނަކީ އިސްލާމްގެ އަހުލުވެރިން އެބައިމީހުންގެ މިއްލަތައް ތަބަޢުވެއްޖެއުމަށްދާންދެން އެބައިމީހުންގެ ނުރުހުންތެރިކަމާއި ޢަދާވާތްތެރިކަން އޮންނާނޭ ބައެއްކަމެވެ. އެހެނީ ކީރިތި ޤުރުއާން ވަނީ މިކަން ވަރަށް ޞަރީޚަކޮށް ބަޔާން ކުރައްވާފައެވެ. ފަހެ އެއަށްވުރެ ތެދު ބަސްފުޅެއް އޮންނާނެތޯއެވެ؟

الله تبارك وتعالى ވަޙީ ކުރައްވާ މިކާފަރުންގެ ރޭވުން ފަޅާއަރުވާ ފަޟީޙަތް ކުރެއްވިއެވެ. އަދި މުސްލިމުންނަށް އިޢުލާންކުރައްވާ އަންގަވާފައިވަނީ މިފަދައިންނެވެ.

"وَلَا يَزَالُونَ يُقَاتِلُونَكُمْ حَتَّى يَرُدُّوكُمْ عَنْ دِينِكُمْ إِنِ اسْتَطَاعُوا وَمَنْ يَرْتَدِدْ مِنْكُمْعَنْ دِينِهِ فَيَمُتْ وَهُوَ كَافِرٌ فَأُولَئِكَ حَبِطَتْ أَعْمَالُهُمْ فِي الدُّنْيَا وَالْآَخِرَةِ وَأُولَئِكَأَصْحَابُ النَّارِ هُمْ فِيهَا خَالِدُونَ "

"އަދި އެއުރެންނަށް ކުޅަދާނަވެގެން ވަނީނަމަ، ތިޔަބައިމީހުންގެ ދީނުން ތިޔަބައިމީހުން ބޭރުކޮށް ކާފިރުކަމަށް ތިޔަބއިމީހުން ރައްދުކޮށްފުމަށް ދާންދެން ތިޔަބައިމީހުންނާ ހަނގުރާމަ ކުރުމުގައި އެއުރެން ފިލައި ނުދާނެތެވެ.

 ތިޔަބައިމީހުންގެ ތެރެއިން މުރުތައްދުވެ، ކާފިރަކު ކަމުގައިވާ ޙާލު، މަރުވާ މީހުންނީ، ދުނިޔެއާއި އާޚިރަތުގައި އެއުރެންގެ ޢަމަލުތައް އުވިގޮސްފައިވާ ބަޔެކެވެ. އަދި އެއުރެންނީ، ނަރަކައިގެ އަހުލުވެރިންނެވެ. އެއުރެން އެނަރަކައިގައި އަބަދަށް ދެމިތިބޭހުއްޓެވެ." (سورة البقرة 217)

އެގޮތުން މި ދީނުގެ ޢަދުއްވުން އެންމެ ބޮޑަށް ޖެހިލުންވެ އެކަމަށްޓަކައި އެންމެ ބޮޑަށް ބިރުގަންނަ އެއްކަމަކީ ﷲ ގެ ޝަރީޢަތް މުސްލިމް އެއްވެސް ޤައުމެއްގައި ޤާއިމްވެދާނެކަމަށްޓަކައެވެ.


 އަދި މުސްލިމް އެއްވެސް ޤައުމެއްގައި ﷲގެ ޝަރީޢަތް ޤާއިމް ކޮށްފިނަމަ ކުއްފާރުންގެ ފިއްތުންތަކާއި ދަތިކުރުމުގެ ފިޔަވަޅުތަށް ކުރިމަތި ކުރުވާނެކަމީ މިއަދު ދުނިޔެ އެކަމަކަށް ހެކިވަމުންދާ ކަންކަމެވެ. އަދި ﷲ ގެ ބަސްފުޅުގެ ތެދުކަން ހާމަވެގެންދާ ކަމެކެވެ. މީގެންވެސް ދޭހަވަނީ އެބައިމީހުން ﷲ ޝަރީޢަތްދެކެ ބިރުގަންނަ މިންވަރާއި އެ ޝަރީޢަތް ތަންފީޒު ވިޔަ ނުދިނުމަށްޓަކައި ކުރަމުންދާ މިންނެތް މަސައްކަތެވެ.

ޑިމޮކްރަސީގެ ސަބަބުން ހަލާކުވެގެން ދިޔައީ ޤައުމުގެ މައިނާރު ކަމުގައިވާ އިސްލާމް ދީންނަށް ކުރާލޯތްބާއި ޤަދަރެވެ. ޑިމޮކްރަސީގެ ސަބަބުން ހަލާކުވެގެންދިޔައީ އީމާންތެރިކަން ބަލިކަށިވެފައިތިބި މީހުންގެ އީމާންތެރިކަމެވެ. ޑިމޮކްރަސީގެ ސަބަބުން ހަލާކުވެގެން ދިޔައީ ދީނަށް ލޯބިކުރާ މީހުންގެ އަޚުވަންތަ ކަމާއި، އުޚުއްވަތްތެރިކަމެވެ. ޑިމޮކްރަސީގެ ސަބަބުން ޤައުމުގައި އުފެދުނީ ފިތުނަ ފަސާދައެވެ. 

ޑިމޮކްރަސީގެ ގޮވަމުން ދަނީ ބައިބައިވުމާއި ހަލާކަށެވެ. ޑިމޮކްރަސީ ގޮވަނީ ހަވާނަފްސުގެ އެދުމަށް ތަބާވުމަށެވެ. ޑިމޮކްރަސީ ގޮވަމުން ދަނީ އިސްލާމް ދީނުގެ އުސޫލުތަށް ދޫކޮށް ލާދީނީ ފިކުރުތައް ދިރުވާ އާލާކުރުމަށެވެ. ޑިމޮކްރަސީ ގޮވަމުން ދަނީ މުސްލިމުންގެ ތެރޭގައި އަނިޔާވެރިކަމާއި ދެބަސްވުންތައް އުފެދުމަށެވެ. ޑިމޮކްރަސީ ގޮވަމުން ދަނީ އިސްލާމް ކަމުން ދުރުވެ ވަކި ވަކި ޕާޓީތަކެއްގެ ގޮތުގައި ތިބެގެން އެއްބަޔަކު އަނެއްބަޔެއްގެ ނުބައި ނުލަފާ ކަމުގެ ވާހަކަތައް ދައްކާހެދުމަށެވެ. 

މިއަދު ދީނަށް ލޯބިކުރާ އެންމެންވެސް ޤަބޫލުކުރާގޮތުގައި ޑިމޮކްރަސީ އަކީ ކުފުރުގެ ތެރެއަށް އިންސާނާ ވައްޓާލާ ނުބައި ވަބާއެއްކަމެވެ. އެންމެންވެސް ޤަބޫލުކުރާގޮތުގައި ޑިމޮކްރަސީ ގެ ސަބަބުން  ހެވެއްލިބިފައި ނުވާތާނގައި ޑިމޮކްރަސީގެ ސަބަބުން  ދުވަހަކުވެސްނުދެކޭހާ ބޮޑު ބައިބައިވުމަކާއި ދެކޮޅުވެރިކަމެއް އުފެދިފައިވެއެވެ. ނަމަވެސް ޙަޤީގަތަކީ ޑިމޮކްރަސީ ގެ ސަބަބުން  ކޮށްފައިވާ ނުބައި އަޘަރަކީ ކޮބައިކަން ބަލާ ދިރާސާ ކުރި މީހަކު ނެތްކަމެވެ. އެންމެންވެސް އެއްބަސްވެ ބުނާ ބަހަކީ ޢިލްމުވެރިންގެ ބަސްފުޅުތަކުގެ އަލީގައި ޑިމޮކްރަސީ އަކީ ކުފުރުގެ ނިޡާމެއް ކަމެވެ. 

ޑިމޮކްރަސީއަކީ އިސްލާމީ ޝަރީޢަތްތަށް ނައްތާލުމަށްޓަކާ ކާފަރުން ރާވަމުން ހިންގަމުން ފުޅާކުރަމުން ފެންދެމުން ދާ ދީނެކެއެވެ. އެދީނުގެ ޙާކިމަކީ އިންސާނުންނެއެވެ. އެހެން ޢިބާރަތުން ދަންނަވަނީނަމަ އެދީނުގައި ޙުކުމްތައް ކަނޑައަޅާނީ ޢާންމު ރައްޔިތުންނެވެ. ޢާންމު ރައްޔިތުން ބޭނުންވަނީ އިސްލާމީ ޝަރީޢަތުގައި ޙަރާމް ކަމެއް ހުއްދަ ކުރަން ކަމަށް ވާނަމަ އެމީހުންނަށް އެކަން ކުރެވެއެވެ.

 މިސާލަކަށް ރިބާ އަކީ އިސްލާމީ ޝަރީޢަތުގައި ބޮޑުވެގެންވާ ޙަރާމް ކަމެކެވެ. ނަމަވެސް ދީން ޑިމޮކްރަސީގައި ހުއްދަ އެވެ. އަދި ޑިމޮކްރަސީގައި އެމީހުން (ރައްޔިތުން) ބޭނުންވާ ޝަރުޢީ ޤާނޫނު ބަދަލުކުރެއެވެ. الله تبارك وتعالى ގެ ވަޙީ ބަސްފުޅުތަކަކީ 

އެމީހުން ދެކޭގޮތުގައި މާކަ ބުރަދަނެއް ހުރި އެއްޗެއްނޫނެއެވެ. އެމީހުންގެ މަސައްކަތްތަކުން ބުނަން އުޅޭ ކަހަލައެވެ. ތިމަންނަމެން ތިޤުރުއާނަށްވުރެ މާ ފުރިހަމަ ޒަމާނަށްފެތޭ ޤާނޫނެއް ހަދާފައި ގެންނަވާފާހުށީމެއެވެ.

 އަދި ޤުރުއާނާއި ނަބިއްޔާގެ ސުންނަތަކީ އެމީހުންނަށް މާމުހިންމުއެއްޗެއް ނޫންކަން ސާފުކޮށް ސީދާ ސާދާ ކޮށް އެމީހުންގެ ފުށުން އިނގެއެވެ. ޤާނޫނެއް ހެދުމަށްޓަކާ ރައްޔިތުން ޢައްޔަން ކޮށްފައިތިބި ގިނަ ޢަދަދެއް ރަމްޒުކޮށްދޭ ކުދި ކުދި ވަކި މެންބަރުންތަކެއް ހޮވައެވެ. އަދި އޭގެ ތެރެއިން ގާނޫނު ހަދާ މެންބަރުންތަކެއް ހޮވައެވެ. އަދި އެ އެންމެހާ ކުދިކުދި މެންބަރުންތައް އެއްކޮށްގެން އެއްތަނަކަށް ޖަމާކޮށް އެއީ އެޤައުމެއްގެ ޤާނޫނީ މަޖްލީހޭ ބުނެ އެވެ.

 އަދި މި ކުދިކުދި މަނާފުއްވަރުގެ މަންފާއެއް ނުކުރާ އެންމެހާ މެންބަރުންތައް ބަލަނީ އެމެރިކާ(ޑިމޮކްރަސީގެ މަންމަ) އެއީ ނަމޫނާ ކަމަށެއެވެ. އެމީހުންކައިރިއަށް ކަމަކާ ގޮތެއް ނުނިމިއްޖެނަމަ ދެއެވެ. އެމީހުން ކަންތައް ކުރަނީ ކިހިނެތްތޯ ބަލައެވެ. ދެން އެމީހުން ބުނާހާ އެއްޗަކީ ހަމަ ތެދު ވާހަކަ އެވެ. އެމެރިކާގެ ރައީސް ސާދަ ވިލޭރޭގެ ފުރިހަމަ ހަނދާ ދިމާލަށް އެހެރަ ފެންނަނީ އިރޭ ބުންޏަސް އެއްކަލަ މެންބަރުން ބުނާނެއެވެ. އެއީ ތެދެކެވެ. އެއީ ހަމަ އިރެއެވެ. އަހަރުމެންނަށް ވަނީ އެމެރިކާ ނަމޫނާއަކަށް ބަލާ، ލަފާދާރު ހޯދުންތޯއެވެ؟

ﷲ ވަޙީކުރައްވާ އަންގަވާފައިވެއެވެ.

"وَمَا اخْتَلَفْتُمْ فِيهِ مِنْ شَيْءٍ فَحُكْمُهُ إِلَى اللَّهِ "

" ތިޔަބައިމީހުން ކަމެއްގެ މައްޗަށް ޚިލާފުވެއްޖެނަމަ އެކަމެއްގެ ޙުކުމްފުޅުވަނީالله تبارك وتعالى ގެ ޙަޟްރަތުގައެވެ." (سورة الشورى 10)

"إِنِ الْحُكْمُ إِلَّا لِلَّهِ أَمَرَ أَلَّا تَعْبُدُوا إِلَّا إِيَّاهُ "

" ފަހެ ހުރިހާ ޙުކުމެއް މިލްކުވެވޮޑިގެންވަނީ  الله تبارك وتعالى އަށެވެ. އަދި އެއިލާހު ފިޔަވައި އެހެން ފަރާތްތަކަށް ތިޔަބައިމީހުން އަޅުކަން ނުކުރުމަށް އެއިލާހުވަނީ އަމުރުކުރައްވާފައެވެ. "(سورة يوسف 40)

 މުސްލިމަކަށް ވެވޭނީ ޤުރުއާނާއި ސުންނަތައް ފުރިހަމައަށް ކިޔަމަންތެރިވެ ބޯލަނބައިގެންނެވެ. ﷲ ތަޢާލާ ސޫރަތުއް ނިސާގައި ވަޙީ ކުރައްވާފައި ވެއެވެ.

"فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِيأَنْفُسِهِمْ حَرَجاً مِمَّا قَضَيْتَ وَيُسَلِّمُوا تَسْلِيماً" (النساء:65)

"ކަލޭގެފާނުގެ ވެރި ރައްބު ގަންދެއްވަމެވެ. އެބައިމީހުންގެ މެދުގައި އުފެދޭ ދެބަސްވުންތަކުގައި ޙުކުމްކުރާ ފަރާތެއް ކަމުގައި ކަލޭގެފާނު ހަދައި، އަދި ކަލޭގެފާނު ކުރެއްވި ޙުކުމަށް އެބައިމީހުންގެ ހިތުގައި އެއްވެސް ނުރުހުންތެރި (ކިލަނބު) ކަމެއް ނެތި ފުރިހަމައަށް ޤަބޫލުކުރުމުން މެނުވީ އޭގެތެރެއިން ހަމައެކަކުވެސް އީމާންވި ކަމުގައި ނުވެއެވެ."

ކާފަރުން އަބަދުވެސް މުސްލިމުންނަށް އެދޭނީ ދެރަ ލިބުމަށެވެ. އެމީހުން ބޭނުންވާނީ އަހަރުމެންގެ ބޮލަށް އަރާ ގަނބާލުމަށެވެ. ﷲ ގަންދީ ހުވާކޮށް ބުނަމެވެ. އެމީހުން އަހަރުމެންނަށް ހެވެއް، މޮޅެއް، ކުރިއެރުމެއް، ލިބުމަކަށް ނޭނދޭނެއެވެ. އަދި ކިއެއް އެމީހުން ހުރިހާ ކަމެއްވެސް އަހަރުމެންނަށް ހުރިހާ ކަމެއްވެސް ކޮށްދީފާނެއެވެ. ޝަރުޠަކީ އަހަރުމެން އެންމެން އެމީހުންގެ ދީނަށް ވަދެ ﷲ އަށް ކާފިރުވުމެވެ.

 ފަހެ ﷲ ފިޔަވައި މީސްތަކުންގެ ޙައްޤުތައް އެއަށްުވުރެ ފުރިހަމައަށް އަދާ ކޮށްދޭ ފަރާތަކީ ކޮބައިތޯއެވެ؟ ﷲ ތަޢާލާ ސޫރަތުލް މާއިދާގައި ވަޙީ ކުރައްވާފައި ވެއެވެ.

"وَمَنْ أَحْسَنُ مِنَ اللَّهِ حُكْماً" (المائدة: 50)

"އަދި ދަންނާށެވެ. ޙުކުމް ކުރުމުގައި ﷲ އަށްވުރެ މޮޅީ ފަހެ ކާކު (ނުވަތަ ކޮންފަރާތެއް) ހެއްޔެވެ؟"

"وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ"(المائدة: 44)

"އަދި ހަމަކަށަވަރުން ﷲ ތަޢާލާ ބާއްވާލެއްވި އެއްޗަކަށް ޙުކުމް ނުކުރާ މީހުން ދަންނާށެވެ. ފަހެ އެމީހުންނަކީ އެއީ ހަމަ ކާފަރުންނެވެ."

އިސްލާމީ ޝަރީޢަތުގެ ކަންކަމުގެ ތެރެއިން ކަމަކާއި ދެކޮޅުހަދައި މަނާވެގެންފި ބަޔަކާއި ހަނގުރާމަ ކުރުން ހުއްދަކަމުގައި އިސްލާމްދީނުގެ ޢިލްމުވެރިން އިޖްމާޢުވެވަޑައިގެންފައިވެއެވެ. ފަހެ އެފަދަބަޔަކާއި ދެކޮޅަށް ޖިހާދުކޮށް ހަނގުރާމަ ކުރުމަކީ ވާޖިބުވެގެންވާ ކަމެއްކަމުގައި ހުރިހާ މުސްލިމުން އިއްތިފާޤުވެފައިވެއެވެ.

شيخ الإسلام ابن تَيمِية رحمه الله (1) ވިދާޅުވެފައިވެއެވެ: “އިސްލާމްދީނަށް ނިސްބަތްވާ އެއްވެސް ބަޔަކު އިސްލާމީ ޝަރީޢަތުގައި މުތަވާޠިރުކޮށް ބަޔާންވެ، ސާފުކޮށް ފެންނަން އޮތް ކަމަކާއި ދެކޮޅުހަދައި މަނާވެގެންފިކަމުގައި ވާނަމަ، ފަހެ އެބައިމީހުންނާއި ދެކޮޅަށް ޖިހާދުކޮށް ހަނގުރާމަކުރުން ވާޖިބުވެގެންވާކަމަށް މުސްލިމުން އިއްތިފާޤުވެފައިވެއެވެ…”

ފަހެ އަނިޔާވެރި ވެރީން، އެބައިމީހުން އިސްލާމްދީނުގެ ޝަރީޢަތުގެ ތެރެއިން ކަމަކާއި ދެކޮޅުހަދައި މަނާވެގެންފި ކަމުގައިވާނަމަ ނުވަތަ ވާޖިބުކަންތައްތަކުގެ ތެރެއިން ބައެއް ކަންކަން ދޫކޮށްލައިފިނަމަ ނުވަތަ ސާފުކޮށް އެނގެން އޮތް ޙަރާމްކަންތައްތަކުގެ ތެރެއިން ކަންކަމަށް އަރައިގަންނަކަމުގައި ވާނަމަ، އެފަދަ ވެރީންނާއި އިދިކޮޅަށް ނުކުތުން ވާޖިބުވެގެންވާކަމަށް ދަލީލުތައް ވެއެވެ.

އެގޮތުން ރަސޫލުﷲ صلّى الله عليه وسلّم ޙަދީޘްފުޅު ކުރައްވާފައި ވެއެވެ. “لاَ تَزَالُ طَائِفَةٌ مِنْ أُمَّتِي ظَاهِرِينَ حَتَّى يَأْتِيَهُمْ أَمْرُ الله وَهُمْ ظَاهِرُونَ” وفي رواية: “لاَ تَزَالُ طَائِفَةٌ مِنْ أُمَّتِى عَلَى الْحَقِّ ظَاهِرِينَ لاَ يَضُرُّهُمْ مَنْ يَخْذُلُهُمْ حَتَّى يَأْتِىَ أَمْرُ اللَّهِ” (رواه مسلم وأبو داود والترمذي وغيرهم).

މާނައަކީ: “ތިމަންކަލޭގެފާނުގެ އުއްމަތުގެ ތެރޭން ބަޔަކު މީހުން، ﷲގެ އަމުރުފުޅު އަތުވެއްޖަމުއަށް ދާންދެން ފާޅުވެ އެގޮތުގައި ދެމިތިބޭނެއެވެ.” އަދި އެހެން ރިވާޔަތެއްގައި ވެއެވެ: “ތިމަންކަލޭގެފާނުގެ އުއްމަތުގެ ތެރޭން ބަޔަކު މީހުން، ﷲގެ އަމުރުފުޅު އަތުވެއްޖަމުއަށް ދާންދެން ޙައްޤުގެ މަތީގައި ފާޅުވެ ދެމިތިބޭނެއެވެ. އަދި އެބައިމީހުންނަށް އެހީތެރިނުވެ ނިކަމެތިކޮށްލާ ހަދާ ބައެއްގެ ކިބައިން އެބައިމީހުންނަށް އެއްވެސް ގެއްލުމެއް ނުފޯރާނެއެވެ.”

މިޙަދީޘްފުޅުގައިމިވާ “ފާޅުވެ ދެމިތިބޭނެއެވެ”، މިބަސްފުޅުގެ މުރާދަކީ ހަނގުރާމާގައި ލިބޭ ނަޞްރުކަން އަންނަނިވި ރިވާޔަތްތަކުގައި ބަޔާންވެފައިވެއެވެ.

1. جابر بن سمرة رضي الله عنهގެ ޙަދީޘްފުޅު: “لَنْ يَبْرَحَ هَذَا الدِّينُ قَائِمًا يُقَاتِلُ عَلَيْهِ عِصَابَةٌ مِنَ الْمُسْلِمِينَ حَتَّى تَقُومَ السَّاعَةُ” (رواه مسلم). މާނައީ: “ޖަމާޢަތެއްގެ ބަޔަކު ޤިޔާމަތާއި ޖެހެންދެން މިދީނުގެ މަތީގައި ހަނގުރާމަ ކުރުންމަތީ ނުވާހާ ހިނދަކު މިދީން ޤާއިމްވެ ނޯންނާނެއެވެ.”

2. جابر بن عبدالله رضي الله عنهماގެ ރިވާޔަތް: “لاَ تَزَالُ طَائِفَةٌ مِنْ أُمَّتِى يُقَاتِلُونَ عَلَى الْحَقِّ ظَاهِرِينَ إلى يَومِ القِيَامَة” (رواه مسلم وأحمد). މާނައީ: “ތިމަންކަލޭގެފާނުގެ އުއްމަތުގެ ތެރެއިން ޖަމާޢަތެއްގެ ބަޔަކު ޤިޔާމަތާއި ޖެހެންދެން ޙައްޤުގެ މަތީގައި ހަނގުރާމަ ކުރުންމަތީ ނެތިނުދާނެއެވެ.”

އަދި عمران بن حصين رضي الله عنهގެ ރިވާޔަތުގައިވަނީ: “… يُقَاتِلُونَ عَلَى الْحَقِّ ظَاهِرِينَ عَلَى مَنْ نَاوَأَهُمْ حَتَّى يُقَاتِلَ آخِرُهُمُ الْمَسِيحَ الدَّجَّالَ”(رواه أبو داود). މާނައީ: “…ޙައްޤުގެ މަތީގައި ފާޅުވެ އެބައިމީހުންނާއި ޢަދާވާތްތެރިވީ ބަޔަކާއި ހަނގުރާމަ ކުރުންމަތީ ނެތިނުދާނެއެވެ. އެއީ އެބައިމީހުންގެ އެންމެ ފަހު މީހާ، މަސީޙުއް ދައްޖާލު މަރާލައިފުމަށް ދާންދެނެވެ.”

3. عقبة بن عامر رضي الله عنهގެ ރިވާޔަތް: “لاَ تَزَالُ عِصَابَةٌ مِنْ أُمَّتِى يُقَاتِلُونَ عَلَى أَمْرِ اللَّهِ قَاهِرِينَ لِعَدُوِّهِمْ لاَ يَضُرُّهُمْ مَنْ خَالَفَهُمْ حَتَّى تَأْتِيَهُمُ السَّاعَةُ وَهُمْ عَلَى ذَلِكَ”(رواه مسلم).

މާނައީ: “ތިމަންކަލޭގެފާނުގެ އުއްމަތުގެ ތެރެއިން ޖަމާޢަތެއްގެ ބަޔަކު ﷲގެ އަމުރުފުޅުގެ މަތީގައި ހަނގުރާމަ ކުރުންމަތީ، އެބައިމީހުންގެ ޢަދުއްވުންގެ މައްޗަށް ގަދަކަން (ނަޞްރު) ލިބިގެންވާ ބައެއްގެ ގޮތުގައި ނެތިނުދާނެއެވެ. އަދި އެބައިމީހުންނަށް އެހީތެރިނުވެ ނިކަމެތިކޮށްލާ ހަދާ ބައެއްގެ ކިބައިން އެބައިމީހުންނަށް އެއްވެސް ގެއްލުމެއް ނުފޯރާނެއެވެ. އަދި އެބައިމީހުން ޤިޔާމަތް އަތުވެއްޖައުމަށް ދާންދެން އެގޮތުގައި ދެމިތިބޭނެއެވެ.”

ފަހެ الطائفة المنصورة (ނަޞްރުލިބިގެންވާ ބައިގަނޑު)، މިބައިމީހުން ހަނގުރާމަކުރާހުށީ ބައިބަޔަށެވެ. އަދި އެބައިމީހުން ހަނގުރާމަ ކުރާނީ ހަމައެކަނި ފާޅުވެ އެނގިގެންވާ ކާފަރުންނާ އެކަންޏެއް ނޫނެވެ. ކިއެއްހެއްޔެވެ.

އެބައިމީހުން ނިކަމެތިކޮށްލައި އެބައިމީހުންނާއި ޚިލާފުވީ ހުރިހާ އެންމެންނާ އެބައިމީހުން ހަނގުރާމަ ކުރާނެއެވެ. އޭގެ އެންމެކުރީގައިވަނީ، ކުރީގައި ބަޔާންވެދިޔަ ޙަދީޘްފުޅުތަކުގައިވާ ފަދައިން މަގުފުރެދިފައިވާ ވެރީންތަކެވެ. އެއީ އިސްލާމްދީނަށް، ޚާއްޞަކޮށް އެމަގުފުރެދިފައިވާ ވެރީންތަކުގެ ނުރައްކާތެރިކަން ކާފަރުންނަށްވުރެ ބޮޑުކަމުގައިވާނަމައެވެ.

ފަހެ ދަލީލުތަކުން އެނގި ބަޔާންވެގެންދަނީ ﷲގެ ދީނަށް ނަޞްރު ދިނުމަށް ނުކުންނަ ބަޔަކަށް ނަޞްރާއި ޘާބިތުކަން ދެއްވަން، ހަމަކަށަވަރުން އެއިލާހު ވަޢުދުވެވޮޑިގެންފައިވާ ކަމެވެ. މީގެން ދަލީލުކޮށްދެނީ މިގޮތަށް ނުކުތުމަކީ ޝަރުޢީ ކަމެއްކަމުގަވެ.