12:00 AM
ލައިފް އިންޝުއާކޮށްފައިވާ މީހަކު މަރުވުމުން،
ވާރުތަވެރިޔާ އަށް
ލިބޭ ފައިސާ
ހުއްދަ ވާނެ ކަމަށް ފިގްހު އެކަޑަމީން ހާމަކޮށްފިއެވެ.
މިކަމާ ބެހޭ ގޮތުން ދީނީ ލަފައަކަށް އެލައިޑް އިންޝުއަރެންސުން އެދުމުން، ފިގްހު އެކަޑަމީން މި މަހު 15 ގައި ނެރެފައިވާ ފަތުވާގައި ބުނެފައިވަނީ އިސްލާމީ އުސޫލުތަކަށް ނުފެތޭ ގޮތަށް ހިންގާ ހުރިހާ އިންޝުއަރެންސެއް ހަރާމްވާނެ ކަމަށާއި އެއީ “އޭގައި ރިބާ އާއި ޖުވާ އާއި އޮޅުވާލުން ހިމެނިފައިވާ މުއާމަލާތްތަކަކަށް ވާތީ” ކަމަށެވެ.
ފިގްހު އެކަޑަމީން އިތުރަށް ބުނެފައިވަނީ ކުޅަދާނަކަން ލިބިގެންވީ ވަރަކުން މުސްލިމުން އެފަދަ އިންޝުއަރެންސުން ދުރުހެލިވާން ޖެހޭނެ ކަމަށާއި މަޖުބޫރީ ހާލަތެއްގައި ވެސް އިންޝުއަރެންސްގައި ބައިވެރިވެފައިވާ މީހަކަށް ހުއްދަ ވާނީ އެ މީހަކު ދެއްކި ފައިސާގެ މިންވަރު ކަމަށެވެ.
މީގެ އިތުރުން އިތުރުވާ ފައިސާ ޖެހޭނީ މުސްލިމު މުޖުތަމަ އަށް ފައިދާ ހުރި ކަމަކަށް ހޭދަކުރަން ކަމަށާއި އެއީ ފައިސާގެ ވެރިމީހާ ނަމަ ކަންކުރަންޖެހޭ ގޮތް ކަމަށް ވެސް ފިގުހު އެކަޑަމީން ހާމަކުރެއެވެ.
0 comments:
Post a Comment