ހިތާމައާއެކު ދަންނަވަންޖެހެނީ ދަތުރުތަކުގައިދާ ބައެއް މީހުން އެމީހުން އެދާ ޤައުމެއްގައި އޭނާއަކީ ބީރައްޓެއްސެއް ކަމުގައިވާނަމަ އޭނާ ބޭނުން ދިމާއަކަށް ބަލަންފަށައެވެ. މީގެތެރޭގައި ފާޙިޝް މަންޒަރު ދައްކުވައިދޭ ފޮޓޯ ތަކާއި، ހިލޭ އަންހެނުންނާއި، ޙަރާމް ތަންތަނާއި، މުންކަރާތްތައް ހިމެނެއެވެ. އެފަދަ މީހަކަށް އެންމެ މުހިއްމު ކަމަކީ އެކަކަށްވެސް އޭނާގެ ބެލުން ތިރިނުކުރާކަން ނޭނގުމެވެ. އަދި އެކަކަށްވެސް އޭނާ ބަލާތަންތަން ނުފެނުމެވެ.
ބައެއް އަންހެނުންނަށް ނުވަތަ ބައެއް އަންހެންކުދިންނަށް ހީވެފައި އޮންނަނީ އިސްތަށިގަނޑު ކޮންމެވެސް ގޮތަކުން ނިވާކުރީމަ ދެން ހުރިހާކަމެއްނިމުނީ ކަމުގައެވެ. ބުރުގާއާ އެކުލާ ހެދުން ކޮންމެ ގޮތަކަށް ހުއްޓަސް ހެޔޮކަމަށް ބަލައެވެ. މިއީ ރަނގަޅުގޮތެއްނޫނެވެ.
ދަތް އުނގުޅުމަކީ ވަރަށް މުހިއްމުކަމެކެވެ. އަހަރެމެން ކާ އެއްޗެތީގެ ތެރެއިން ބައެއް ބާވަތުގެ އެއްޗެތީގެ ސަބަބުން އަނގާގައި ބެކްޓީރިއާ ނުވަތަ ޖަރާސީމު އުފެދޭގޮތް ދިމާވެއެވެ. ޚާއްޞަކޮށް ޗޮކްލެޓާއި މެޓާ ފަދަ ފޮނި އެއްޗެތި ކެއުމަށްފަހު ދަތް އުނގުޅުމަކީ ދަތްފަނި ކެއުމުން ސަލާމަތްކުރުމަށްޓަކައި ވަރަށް މުހިއްމުކަމެކެވެ.
ކީރިތި ﷲ އާދަމްގެފާނު ހެއްދެވިއެވެ. އެކަލޭގެފާނުގެ ކިބައިން އެކަލޭގެފާނުގެ ބައިވެރިޔާ ޙައްވާގެފާނު ހެއްދެވިއެވެ. އަދި އެދެކަނބަލުންގެ ކިބައިން އިންސާނީ ދަރިފަސްކޮޅު އުފެއްދެވިއެވެ. އާދެ! އިންސާނީ ނަސްލުގެ އުފެދުމާ އިތުރުވުން ދެޖިންސުގެ ގުޅުމުން ލެއްވިއެވެ.
މުއުމިނު އަންހެނުން، އެކަނބަލުންނާއި ކައިވެނި ހެޔޮވާ މީހުންގެ (އެބަހީ: މަޙްރަމުނޫން މީހުން) ކުރިމަތީގައި އުޅެންޖެހޭނީ ފުރިހަމައަށް އައުރަ ނިވާކޮށްގެންނެވެ. އެއީ ގޭތެރޭގައި ނުވަތަ މަގުމަތީގައި ވިޔަސް މެއެވެ. މިގޮތުން އައުރަ ނިވާކުރުމަށް ބޭނުންކުރައްވާ ހެދުމުގައި ޝަރުތުތަކެއް ހުރުން ލާޒިމުވެގެން ވެއެވެ. މިގޮތުން:
ތުއްތު ދަރިފުޅުގެ އުފެދުމަކީ އެކަމުގައި ވަރަށް އާދަޔާޚިލާފު، އަޖާއިބުކުރުވަނިވި ކަންތައްތަކެއް ހިމެނިގެންވާކަމެކެވެ. ހަމައެހެންމެ އެވަގުތަކީﷲ ތަޢާލާގެ ޚާލިޤުވަންތަކަމާއި އެކަލާނގެ ކަށަކުޅަދުންވަންތަކަމުގެ މައްޗަށް އަޖާއިބުވާންޖެހޭ ވަގުތެކެވެ.
ދުނިޔޭގެ އެކިކަންކޮޅުތަކުގައި މުސްކުޅިން އުޅެމުންގެންދާ ނިކަމެތި ހާލުގެ ވާހަކަތައް އަޅުގަނޑުމެންނަށް ނިއިވޭ ދުވަހަކަށް އިރުއަރައިނުއޮއްސެއޭ ބުންޏަސް ދޮގަކަށް ނުވާނެވެ. މިދަންނަވަނީ ހަނގުރާމަތައް ގިނަވުމުގެ ސަބަބުންނާއި، ބިންހެލުމާއި، ފެންބޮޑުވުންފަދަ ސަބަބުތަކާހުރެ ނިކަމެތި ހާލުގައި އުޅެން ޖެހިފައިވާ މީހުންގެ ވާހަކައެއް ނޫނެވެ. – އެފަދަ މީހުންވެސް ގިނަކަމާއެވެ! – ނަމަވެސް އެބައިމީހުންގެ ދަރިންގެ އަޅާލުން ނުލިބުމުގެ ސަބަބުން ނިކަމެތިވެފައިވާ މީހުންގެ ވާހަކައެވެ.
އެއީ މީގެ މަހެއްހާ ދުވަސް ކުރިއެވެ. އަހަރެންނަށް ބޮޑުދައިތަ ކިޔާ ކުއްޖެއްގެ ކައިވެނި ޙަފްލާއަކަށް ދިޔައީމެވެ. ކާއެއްޗެހި އަޅައިގެން އައިސް މޭޒެއް ކައިރީގައި ވަރަށް ހަމަޖެހިލައިގެން ކާން އިށީނދެއްޖައީމެވެ.
ދުނިޔޭގެ އެންމެ ބޮޑަށް ތޮއްޖެހިފައިވާ، ވެރިކަން ކުރާ ރަށަކީ މާލެއެވެ. އެހެންކަމުން، މި މާލޭގައި ޢައިލާތައް އުޅެނީ ކުޑަ ކުޑަ ކޮޓަރިތަކާއި އެޕާރޓްމެންޓްތަކުގައެވެ. ދެތިން ހަތަރު ޢައިލާ އެއްތަނެއްގައި ނުވަތަ އެއް ގެއެއްގައި އުޅުމަކީ އާދައިގެ ކަމެކެވެ.
އިމާމް އަޙްމަދު ބުން ޙަންބަލްއޭ ބުނުމުން އެއީ ކާކުކަން އެނގިވަޑައިނުގަންނަވާނެ ބޭފުޅަކު ހަމަ މަދުވާނެ ކަމީ ޔަޤީން ކަމެކެވެ. އެއީ މި އުއްމަތް ދުށް އެންމެ ވަރުގަދަ އެއް ޢިލްމުވެރިއާއެވެ. އުއްމަތަށްޓަކައި މިކަލޭގެފާނުގެ ޚިދުމަތްތަކަކީ ދުލުން ބަޔާންނުކުރެވޭހާ ގިނަ ޚިދުމަތްތަކެކެވެ. އިމާމް އަޙްމަދު ބުން ޙަންބަލަކީ ސުންނަތުގައި އެންމެ ވަރުގަދައަށް ހިއްޕެވި އެކަކެވެ. ނަމަވެސް މިފަހަރު މިޒިކުރު ކޮށްލަނީ އެކަލޭގެފާނަށް ދިމާވި ހާދިޘާއެކެވެ.
އިސްލާމްދީނުގައި މުސްލިމް އަންހެނާ ހިލޭފިރިހެނުން ކުރިމަތީގައި ހެދުން އެޅުމުގައި ވަކި ޝަރުޠުކެއްވެއެވެ. އިސްލާމީ ޝަރުޢުގައި މިގޮތަށް ކަނޑައަޅުއްވާފައިވުމުގެ މަޤްސަދަކީ ފިރިހުންންގެ ބެލުން އަންހެނުންނާއި ދިމާލަށް ނުހުއްޓި އަންހެނާ ރައްކާތެރިކޮށްދީ އަދި މުޖުތަމަޢުގައި ފާޙިޝްކަންތައްތަކަށް މަގުފަހިކޮށްނުދިނުމެވެ.
ﷲ ޢައްޒަވަޖައްލަ، މުއުމިނުންގެ ނަމުން ނަންދެވިފައިވާ ސޫރަތުގައި ވަޙީކުރެއްވިއެވެ. “أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ” المؤمنون: ١١٥ މާނައީ: ” އަޅެފަހެ، ތިމަންރަސްކަލާނގެ ތިޔަބައިމީހުން ހައްދަވާފައިވަނީ، ބޭކާރުގޮތުގައި ހަމަކުޅިވަރަށްކަމަށާއި، އަދި ހަމަކަށަވަރުން، ތިޔަބައިމީހުން ތިމަންރަސްކަލާނގެ ޙަޟްރަތަށް ރުޖޫޢަ 
12:00 AM
